|
شي يقهر انك تشوف سعوديات يعملون في المطاعم ودول الجوار تشغلهم في ارقى الوظايف .! السلام عليكم ورحمه الله وبركاته اسئلك بالله يا مشرف اللي قفلت الموضوع اللي سويته يرضي ربك في الاشراف موضوعي مهم ولا انت من نفس النقطة اللي ذكرتها في نهاية موضوعي المشكله لم يعطي سبب لقفل الموضوع قفل وتوكل على الله على الاقل احترم كاتب الموضوع واحنا موب دبش تقفل أي موضوع بدون سبب وتمشي والمفروض توضح اسباب القفل وهذا حقنا دام ما تعطينا قوانين المنتدى ولا موضوع مثل هذا ما يهمك وبقريح فيهم لانك ما عشته ولا تبي الخير في بنات الوطن واذا تبي تصكني بـلوك ما عندي مشكله العضوية الثانية موجودة وش تفرق يعني ولا تبيني افتح مواضيع عن تركيا ومصر واللعن في سيسي وامدح في اوردغان عشان تعجبك لكن لا تنسى انك قفلت باب ودعوة من الاعضاء للبنات بالتوفيق كلامي اللي بقوله ليس محاربتهم وليس تقليل منهم لانه عملهم شريف حتى وان كان اختلاط كل هذا من أجل بحثهم عن لقمة العيش لكن كلامي هو بحثاً لهم عن الافضل لا اكثر لانه شي يقهر اشوف سعوديات يعملن نادلات في مطاعم وغيرها من الاعمال التي اشوفها ان المراة السعودية ليس هذا مكانها المناسب لكن انصدمت اليوم في عمل جديد وهو في احدى المجمعات في مطعم موظفين سعودية واللي بجانبها فلبيني وعمال في المطبخ شي يرفع الضغط وحسبي الله من وصل السعودية لهذا الحال ما بقى الا نشوفهم بكرا طباخين ولا يجهزون الهمبرغر للزبائن وفي نفس الوقت دول الجوار اتحدى حتى البحرين اللي حالهم يساوي حالنا في الدخل الضعيف نوعاً ما ما وظفوا بناتهم في مطاعم صحيح في كاشيرا منهم ولا بائعه لكن في مطعم كاشيرا ونادله هذة جديدة دول الخليج عامه ما اذكر شفت بناتهم يعملون في هذة الوظايف الا في وظايف مرموقه تقدر مكانه المراة وخاصه الكويت وقطر والامارات كلهم في قطاع الخاص الكبيرة والدوائر الحكومية وفوق كذا راتب يستحق للعمل لا يقل عن 10 الف ريال اما هنا اختلاط وتعب ويمكن اجازة يوم واحد وبالاخير راتبه طفسه ولا يتعد 4 الف ريال ولا انسى بعد خصم حراميه التأمينات يصل صافي الراتب 3500 لايجي واحد يطقطق علينا ويقول عادي ومادري ايش اسئل نفسك ترضا تشوف بناتك ولا زوجتك ولا اختك تشتغل نادله في مطعم ولا تبي تصرف الموضوع ولا ترضى على الناس وبناتك تبحث لهم عن الافضل ولا احد يقول عندنا ازمه هذة ضحك عيني عينك البلد يطلع مليارات ويتبرع دبلها للخارج وعيال التجار والامراء يتفاخرون بالخارج بسياراتهم التي تصل الى 10 مليون للسيارة الوحدة ومطيحين في لندن وباريس ولوس انجلوس اشهر وانتم خلكم في ترديد اننا في ازمة والله مافي ازمه الا عقولكم الفاضية طبعاً كلامي لا يعجب الطبقة المخمليه اللي ياكثرهم هنا لاني ضايقتهم في كلامي وهم بالخارج |
| الساعة الآن 01:15 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir