منتديات شمس الحب - يا نفس صبرك على زايد العنى ... اخير من راحه بعدها حسايف

هذي من قصايدي القديمه بحثت في النت ولقيتها وفرحت بها كثير
الحمد لله الي عقلها علي
يقول وسيع البنايد
يالله ياعالم خفايا الحشى
ياواحد بالحال داري وشايف

جرحي وكل ما قلت انه برى
عادات الايام يزيدنه كلايف

وخاطري لو طاب وقلت انه سلى
لابد ما تعصف به كبار العصايف

يا نفس صبرك على زايد العنى
اخير من راحه بعدها حسايف

نفسي تبي ذلي وانا ابي عزها
بقودها بيمناي قود العسايف

واسوقها للعز ترقى وتعتلي
مكانها من فوق شم النوايف

ومن لا يضع نفسه في مكانها
يشوف من الانذال ما كان عايف

ذيب عوى في تالي الليل يقنب
من سبته فرق جموع الولايف

جاوبه ذيب في المغازي مجرب
يقطع فجوج الارض ماهوب خايف

تمت وصلاة الله على النبي محمد
شفيعنا في يوم كشف الصحايف

اخوكم / وسيع البنايد