منتديات شمس الحب - قصة القهوه مع زهرة السوسن .....ادخلوولا تفوتوها


	بسم الله الرحمن الرحيم بما ان اليوم حنكتب لاول مره موضوع فى قسم قصص وروايات وسايرلى انا مش حد غيري حبيت ان يكون موقف يضحك بسم الله نبدو............ . فى يوم من الايام فى شهر رمضان اللى عارفينه طبعا ان كل البنات يدخلن فيه للكوجينه كانو عندنا ضيوف بعد الفطور وكانت بنت خالتى جايه وكان فيه احاديث واجد نبو نقرمو فيهن ... طبعا بعد العصير والشوكولاته بدينا نقرمو ونسيت الصبايا اللى يبن قهوه فطلعت ماما واستعجلتنى وقالت بسرعه انشاالله مازلت ما درتى القهوه وخذيت بكرج القهوة وحطى ميه من هنا وكم كاشيك قهوه من هنا وبعدها دورت السكر والقيته بس حسيت ان حافظةالسكر متغيره بس ما عدلتش وحطيته ............... وبعدها طابت القهوه وصبيتها . وقدمتها وقلت تفضلى .تفضلى .بكل ثقه وانا طالعه القيت اختى تندب على وجهها وانا نقوللها كنك وهى تقولى . . . . . . . . . . . . . . . تقولى . . . . . . . . . . . . . . . تقولى . . . . . . . . . . . . ملح ليم .انا استكيت وانقول كنك واتقول حطيتى ملح ليم فى القهوة انا طبعا من الضحك طحت على ركبى اما بنت خالتى خشت للدار تجرى وخذت القهوه من الصبايا الصبايا تمن يضحكن وانا حصلت استيكة هزيبه من الست ماما طبعا واكيد فيه منكم اللى شهق واللى ضحك صح؟ اتمنى ان الموضوع نال اعجابكم ونبى ردود حلوه............