منتديات شمس الحب - هذا ماحدث مع زميلي بعد حجزه في شاليهات للعيد

السلام عليكم

تحيه طيبه وبعد

زميلي قبل شهر حجز شاليه واتفقو وكتبو العقد بمبلغ 2000 ريال وكان اتفاقهم يوم الخميس بتاريخ 14/12 يعني رابع العيد

وبعد ماثبتت الرؤويه ان العيد يوم الاثنين واليس الاحد اتصل المصري على زميلي وقاله صار الحين انت حاجز يعتبر ثالث العيد وليس رابع العيد قال زميلي طيب وش يعني قاله لازم تزود 500 ريال او تعال الغي عقدك زميلي قال ماني دافع ولا ريال وماني لاغي عقدي وتهاوش هو وياه بالجوال وقاله زميلي انا بجيك اليوم ونتفاهم زميلي راحله وحاط في باله اذا اصر المصري على المبلغ ان ينقصله ويخليها لو 200 او 300 ريال كحد اعلى يوم وصل لشاليه الا محصل السعودي والهندي والمصري غير موجود كلم زميلي السعودي طلع هو صاحب الشاليهات وقاله عن السالفه قال السعودي انا جاي عشان كذا ومو انت بس اخذ فلوس من الي قبلك وكلهم جاين ومتهاوشين مع المصري والي دفع والي الغو وكل هذا كان ينصب عليهم ولا رجعلي ولا شي الين العامل الهندي كلم كفيله عن المشكله وجاء صاحب الحلال قاله زميلي طيب وش المطلوب الحين قاله السعودي ابد انت عقدك على ماهو عليه ولا تدفع ولا ريال زياده والمصري طرده من العمل

فنصيحه انتبهو من هالحركه لاتدفعون ولا تلغون وارجعو لصاحب الشاليه واذا هو متواطئ معه عاد الله يعينكم