منتديات شمس الحب - الاجانب غثونا وامرضونا وكرهونا في الحياه

السلام عليكم ورحمة الله وبركاته

رحت ابي اسجل بنتي في مدرسة أهلية والمسؤوله اجنبيه قالت زحمه مانقدر نقبلها التسجيل من زمان انتهاء قلت وين يداوم المشرف على المدارس ابي ارسل زوجي يجيب ورقه منه ضحكت ضحكه غبنتني فيها قالت قبول بنتك في هالمدرسه اصعب شي في العالم قلت شلون اصعب شي في العالم قالت احتياط عندنا فوق 300 طالبه يعني مافيه امل ولو احلف نص اللي فيها اجانب

المهم انا والله ضاقت بي الوسيعه وين ماروح احصلهم قدامي

الحدايق مالينها وقالبينها شيشه وشوي

المحلات التجارية اجانب في اجانب حتى اسعارهم علينا تفرق عن الاجانب

الشباب والبنات اللي في القطاع الخاص انواع الظلم والتطفيش

المستشفيات الخاصة السعوديين يروحون يدفعون مبالغ كبيره والاجانب على التامين مجاني

حتى المدارس الحكومية ماسلمت منهم المفترض يكون تعليمهم بفلوس ليه مجاني

الزحام في الشوارع والله سببه الاول والاخير الاجانب المفترض يمنعون من القيادة جميع الاجانب الا المهن اللي يستفيد منها البلد مثل طبيب وغيره والا بالله عليكم حلاق معه سياره سباك معه سياره نجار معه سياره وليتها سيارات صاحيه الا خربانه في كل شارع ومسببه زحمة ومسكره الشوارع والحين شغالين عليها لحسابهم الخاص

ابي اقولكم معلومه انتم عارفين اوبر وكريم اكيد

تدرون ان اللي مسجلين معهم كلهم اجانب يعني الحين يجي من ديرته رافع خشمه مايبي يشتغل عند احد سواق يدور له سعوي يشتري له سياره ويعطيه الف في الشهر او الفين والباقي له

لازم الحكومه تشوف حل للأجانب وفوق هذا فيهم وقاحه وقلة ادب لا احترام للأنظمه ولا القوانين ولا الشعب ولاغيره