منتديات شمس الحب - وش الدبره مع شخص يشوه سمعة اخوه ويسبه ويشتمه بكل مكان

كل عام وانتم بخير ااامير

ابن عمي لديه اخ اكبر منه من امه وابوه اخوه هذا ماخلا ولابقى فيه عند كل الناس وبكل المجالس يقول عنه كلام مايقوله العدو بعدوه

سالته وش الاسباب الي تخليه يسوي كذا
قال بسبب ان والدي توفي وهو غاضب عليه وراضي عني وبسبب اني نجحت بحياتي وكنت عصامي وهو فشل فشل ذريع وكل الناس تشكي منه بسبب سلوكه بالرغم ان الله معطيه فلوس وكل شي لكنه يزعل اذا شاف سمعتي عند الناس زينه وهو لا ويزعل اذا ترقيت بالعمل
قلت له يمكن الناس يكذبون عليك والحذر من الشياطين
فذكر لي قصة انه في احد الايام حضر لمجلس وقبل لايدخل سمعه باذنه وهو يتكلم علي وقال فينا كلام اعجب من الخيال لدرجة اني ماحضرت العزومه ذلك اليوم
يقول ابن عمي ان المشكله اذا قابلني يرحب فيني ويمدحني ووصل فيه الامر انه في يوم من الايام يحب راسي بالرغم اني اصغر منه

قلت له
ممكن اخوك مريض نفسيا والا معه انفصام بالشخصيه وعلى كل حال خلك احسن منه وعامله باخلاقك واعتبرها لوجه الله
ماقولكم انتم ااامير