يالربع والله مضحوك علينا من العمالة شوفو النصب بعينه
 

السلام عليكم ورحمة الله وبركاته


اتفقت مع فني تكييف وتبريد يفك خمسة مكيفات ويركبها في مكان ثاني واتفاقنا كان بـ 300 ريال للمكيف الواحد بشرط الفريون امريكي


المهم قالي كل مكيف يحتاج الى 6 متر نحاس يعني المجموع 30 متر


قالي سعر المتر الامريكي 120 ريال الكوري 100 ريال الصيني 80 ريال


قلت لا ابي الامريكي بس غالي سعرك قال روح اسأل اي مكان اذا حصلت اقل مني خذه على طول


قلت اوك اركب معي واروح طريق ابو بكر فيه محلات الجمله لقطع غيار التكييف

وقلت انزل ونزلنا وسألت اللي في المحل قلت ابي امريكي افضل نوع كم المتر

قال مانبيع بالمتر نبيع باللفه واللفه سعرها 185 ريال وفيها 15 متر يعني يطلع المتر 12 ريال تقريباً

يوم حسبتها يطلع له زياده فوق 3200 هذا من النحاس من غير التركيب
الفني قام يتقلب وجهه وعصب وقال بما انك اشتريت منهم والله ماركب لك فريون امريكي هههههههههههههه



قلت من فوق خشمك تركبه والا ماعطيك حق الفك المهم يوم شفته يحلف انه مايركب فريون امريكي قلت لحظه وارجع لمحل الجمله قلت عطني فريون امريكي عطاني دبه بسعر 350 ريال

قلت خلاص مابي منك فريون بس كمل التركيب وهذا انا اشتريت الفريون يوم خلص التركيب قال عطني 1500 اتفاق التركيب قلت اوك بس خذ الفريون معك تستفيد منه الباقي وابي اخصم قيمته 350 ريال وابي اعطيك 1150


نصيحه اي قطع غيار او احتياجات اشترها بنفسك