السلام عليكم ورحمة الله وبركاته

صبحكم الله بالخير

عندي ارض في ضاحية الملك فهد بالدمام
ولا كنت اتوقع ان فيها مويه لأن الارض كانت ناشفه وبدينا نحفرها كنت ناوي احفرها متر و 20 سنتيميتر لكن يوم وصلنا تقريبا 80 متر طلعت المويه وقلت للشيول وقف خلينا نشوف ايش الحل لأن الشيول كان يقول نرجع ندفنها بنفس الرمل ع المستوى الي طلعت منه المويه و بعدها ندفنها (( بيس كورس )) هذا الي قالولي عليه مكتب فحص التربه الي هوه بيس كورس 25 سنتيميتر.

الكلام هذا كله نهاية رمضان عاد انا خليتها لين بعد اجازة عيد الأضحى قلت يمكن تنشف المويه مع الحرارة لكن مافي فايدة المويه زادت..،،
الحين وش رايكم ياأهل الخبره في واحد راعي شيول قالي نجيب بوكلين يحفر الأرض كلها بالتساوي بعمق متر عن مستوى الشارع واكيد بيطلع مويه كثير وبعدين نشفط المويه الي تطلع بالوايتات وبعد ماتخلص المويه مباشرة ندفنها رمل طبقة بسيطه وبعدها حجر وطين وبعدها طبقة بيس كورس 25 سنتيميتر بحيث ان الدفان يكون 50 سنتيميتر و بعدها تكون الأرض جاهزة ونازله عن مستوى الشارع نص متر
أو الخيار الثاني
اني اشفط المويه الي فيها الحين بوايت شفط ومباشرة بعد الشفط ندفنها طبقة بسيطه رمل عشان تكون طبقة الرمل في الأرض متساويه وبعد كذا ندفن حجر وطين وبعدها بيس كورس 25 سنتيميتر.
بس في الحالة هذي مابتكون الأرض نازله عن مستوى الشارع كثير!!

افيدونا ياأهل الخبرة جعلكم ووالديكم في الجنه يارب.

الموضوع مره مجنني ومحيرني خصوصا ان اراضي الضاحية يسير فيها هبوط يعني لازم الأساس يكون مضبوط ميه بالميه.

بالنسبة للقواعد عندي قواعد شريطيه هذي توصية فحص التربه.