مافي يد المخلوق نفع وضرا ... وماقدر الباري على العبد جاري
 

طارالكرى عن موق عيني وفـــرا ***** وفزيت من نومي طــرا لــي طـــواري

خــط لفـاني زاد قــــــلبي بـــحــرا ***** مــن شــاكي ضــــيم النــيـا والعـزاري

سـر ياقلـم واكتب عـلى ماتـــــورا ***** أزكـى ســلام لابــن عـمــي مـشــــاري

شيخ على درب الشجاعة مضــرا ***** مــن لابــــة يــوم المــلاقـا ضــــــواري

يـاحيف ياخطو الشجاع المضـــرا ***** فـي مـصــر مـمـلــوك لـحـمـر العتاري

من الـزاد غـادٍ له سنــامٍ وســـرا ***** مـن الـذل شـبـعـان مـن الـعـــز عــاري

وش عــاد لو تلبس حرير يـجـرا ***** وامـتـــوج تـاج الــذهــب بالــــــزراري

اكـفـخ بجـنـحـان السـعـد لاتــدرا ***** فـالـعـمــر مـايـاقــاه كـثـــر الــــمـداري

مافـي يـد المخلوق نـفـع وضـرا ***** ماقـدر الـبـاري عـلـى الـعــبـد جــــاري

واسلم وسلم لي على مــن تـورا ***** واذكـر لـهــم حـالــي ومـاكــان جـــاري

وإن سايـلـوا عنـي فـحالي تســرا ***** قـبـقـب شــراع الـعــز لــو كـنـت داري

يــوم إن كلٍ مــن خـلـيـلـه تـبــرا ***** حـطـيـت الأجـرب لـي رفـيــق إمـباري

نعم الرفيــــق ليـا سـطـا ثـم جرا ***** يـودع مـنـاعـيــر الـنـشــامــا حـبـــاري

ورميت عني بـــرقع الــذل بـــرا ***** ولاخــيـر فـي مـن لايــــدوس المحــاري

ونـزلـتهـا غـصـبٍ بخـيرٍ وشــرا ***** وجـمـعــت شـمــــلٍ بـالـقــرايــا وقـــاري

وحصنت نجدٍ عقب ماهي تـطـرا ***** مـصـيـونــةٍ عـن حــر لــفــح الــمــذاري