منتديات شمس الحب - اطالب شيبان المنتدى بنقل ارقامهم من الاتصالات stc الى موبايلي او زين .!

السلام عليكم ورحمه الله وبركاته

بما ان اغلب اعضاء المنتدى كبار بالسن وخاصه الشيبان اغلبهم معهم شرايح مفوتر stc من زمن ما كانت الشريحه بـ 10 الف و 5 الف
اطالبهم من هذا المنبر بتحويل شبكتهم الى موبايلي او زين
وترا النقل سهل جداً فقط تروح للفرع اللي ودك تنقل له وتطلب نقل للرقم ويعطونك شريحه مجانيه وبنفس رقمك
وتختار الباقه المناسبه واللي اشوفها افضل من باقات حراميه stc
وكلها 48 ساعه عمل تقفل عليك الشريحه القديمه وتحط الجديدة
ويقال انه ليس شرط ان تسدد اللي عليك عند الاتصالات اذا عليك فواتير
يحوولونها عليك تسددها على الشركة الثانية وهي تاخذ منهم
ولا تمر عليهم وتسدد اللي عليك ولا على النت بجوالك من حسابك البنكي

وهذة الحمله ضد شركات الاتصالات بشكل عام وخاصه الاتصالات stc
لانه هي رأس السوسه بين شركات الاتصالات وقبلهم شيطانهم الاكبر هيئه الاتصالات
وهذة الحمله سوف تتأثر الشركة وحيلهم بينهم الشركات مع بعض وما بين هيئه الاتصالات
وخاصه بعد ايقاف النت المفتوح للاشتراكات

وعلى فكرة كلامي موجه لسكان داخل المدينه
اما اللي ساكنين في جبال وقرى وبعض المحافظات صغيره اللي ماتوصلها شبكات الثانية
فعذرهم معهم مع ان الان 90% من الشبكات الثانيه واصله في بعض القرى حتى بعضهم فيها شبكة زين وموبايلي بس ما فيها stc

وعلى فكرة ما عجبك الوضع تقدر ترجع عادي بنفس الطريقة ولا انت خسران شي ولا تدفع شي
الا اذا هم مدلعينك وداهنين سيرك في خدمتهم مع اني ما اتوقع ويمكن العكس وانت ما تدري ما غير يشفطون منك