آخر صيحات الغش في ميزان الخضار
 

اولاً السلام عليكم جميعاً وأسعد الله اوقاتكم بكل خير
بقول لكم قصة حصلت معي البارح. وهي طال عمركم.
كنت ماشي امس بالسيارة وامر محل خضار قلت اباخذ لي كم كيلو رمان. المهم. نزلت ولقيت عامل. مدري هو هندي والا بنقالي. قلت عطني 3 كيلو رمان. قال ابشر. وانا اشوفه يحط الرمان بعد ماخلص قبل مايرفع الرمان شفت الميزان 3 كيلو بالضبط. بعد ماشال الرمان من الميزان وصار الميزان فاضي طاحت عيني عليه واثر المؤشر على نص كيلو. وهو فاضي العامل مزود بالميزان نص كيلو. يعني يطلع مشتراي ناقص نص كيلو بعد ماقلت له وهاوشته زادني الناقص عندي. وعدل الميزان. بس يمكن اذا رحت يرجعه زي ماكان ويغش خلق الله. ارجو الانتباه. والله لايخسر مسلم
اعتذر عن الاسلوب الرديء في الصياغة لكن هذا اللي اقدر عليه. وشكراً لكم. ودمتم بود