مشكلة مع مرور الرياض .. وش الحل برايكم؟!
 

شريت سيارة من اكثر من سنة تقريبا والأسبوع الماضي جيت اسوي تفويض في نظام ابشر لاحد الأشخاص عشان يسوق السيارة لكن النظام رفض لأن لوحات السيارة (مفقودة) مع العلم اني ما سبق فقدت اللوحات ولا سويت بلاغ فقد ؟!..

رحت لمرور الروضة فحولني لمرور الناصرية .. مرور الناصرية قال ما يمكن تسوي تفويض عن طريق نظام ابشر الا بعد ما تلغي البلاغ بالشرطة! قلت لهم انا ما فقدت اللوحات ولا عمري سويت بلاغ فقد لوحات! قالوا يمكن البلاغ من مالك سابق!! قلتهم وانا وش ذنبي خلو البلاغ زي ما هو بس خلوني اسوي تفاويض عن طريق ابشر ..

قالوا ما عندنا لك حل الا انك تلغي البلاغ! او تسوي تفويض يدوي عندنا! .. ممكن احد يفسرلي كيف المرور يمنع عني خدمة التفويض بابشر وهو سامحلي املك السيارة واسوقها؟!

ولو افترضنا أنه فيه بلاغ من مالك سابق كيف يوافقون على نقل ملكية السيارة لي بدون ما ينبهوني! ويسمحون لي بسواقتها وبنفس الوقت يمنعون عني التفويض بنظام ابشر؟!!