## وش هالعبط يامرور الرياض ##
 

يااخواني والله ان مرارتي منفقعه من مرور الرياض
انا ساكن في حي جديد ونظيف و راقي وهادئ
وهذا الحي لي فيه مايقارب 4 سنوات وعليها
العماره اللي انا فيها انا اول شخص يسكنها
لكن ابتلانا الله بشلة باكستانيه فيهم وساخه
يعجز لساني عن ذكرها
هالباكستانيه معهم سيارات هايلكس قديمه
قرمبعات كلها موديل 90 و 91 ومتكسره
عددها فوق 27 سياره وواقفه من شهر 6
اللي راح اي لها مايقارب 7 شهور
يا اخوان سببوا لنا ازمة مواقف مايعلم فيها
الا الله حتى انتا نوقف في المساحه الترابيه
اللي بين الشارعين ، كلمنا المرور قلنا لهم
فيه سيارات تالفه مسببه لنا ازمة تعالوا شيلوها
قالوا مانقدر دامها واقف صحيح مانشيلها
تدرون الآن المشكله وشهي !!!!
لنا اسبوع والمرور يمر من بعد صلاة المغرب
يعطي السيارات اللي واقفه في المساحة الترابيه
اللي بين الشارعين قسائم ويمشي وعلى هالحال يوميا
مع العلم اننا في حاره داخل الحي بمعنى ان مافيها
حركة مروريه ولا اسواق ولا شيء
كلمت العسكري قال يوميا امر الي واقفه اعطيها
قسيمه وامشي ومن ضمن السيارات سيارتي معطيها
4 قسايم الاسبوع هذا كل قسيمة 100 ريال
مسخره وسوء اداره في المرور ماعمري شفته
في اي ادارة حكومية حسبي الله عليهم