منتديات شمس الحب - شعراء الهوامير : ( البيت الأبيــــــض وقف ترامب دونه )

لا يا هيلاري راح حــــــــزبك مفاليس .... والبيت الأبيض وقف ترامب دونه
وقفت زعيم ن يرخص الروح والكيس.... شد الحزاااااام اللي على بنطلــــونه
ونكس كرافتة قميصـــــــه ولا ديس .... الرأي داسه يوم حمّــــــــــر عيونه
حتى لو إن القوم ترسل عـــــــواسيس.....ماهوب طالب ياالبشوت المعونه
معرب الجدين من قـــــــــوم فريـــس .... حوض المنايا فالـــــوغى ياردونه
يبغى هجاد القوم وقت الغطــــــاليس ...... أما تجي بالطيب وإلا المهــــــونه
واليوم أنا غنيت مع حــــادي العيس .......حتى لو إن البال زادت شطـــونه
من يوم مــــــاشفت البكار المعابيس ......و ( البكره ) اللي تعطي النور لونه
تقبل هواجيس ن وتقفي هواجيـــــس ....وسط الخفوق اللي تهاوت اركونه
وأستغفر الله وأتعوذ من ابليـــــــــــس....لو شافها المجنون يشفى جنونه
ولا ذعذع الغربي بــــــزين النسانيس .....الورد والتفــــــــاح مالت غصونه
ولا ألوم حزبه كاسبين النواميــــــس .....من شأن عين الريم لو يدعمونه
ولو تكشف المستور خلف الكواليس .... صوت بل كلنتون وجدت اطعونه
تريحوا يا أهل الحظـــــوظ المتعايس .....حـــــــــــــرية التمثال لا تاصلونه