منتديات شمس الحب - اهالي الوسطى ينظرون للدمام والخبر زي دبي ولوس انجلوس .!

السلام عليكم ورحمه الله وبركاته

الموضوع فرفشه لا اكثر ولا احد يتحسس

اشوف في اجازة هالاسبوع للطلاب هجوم كبير من اهالي الوسطى للدمام والخبر بالتحديد
وحتى ايضاً بعض اهل جدة اشوفهم عندنا مع ان في بحر بجدة

طبعاً عرفتهم كلهم من اشكالهم ولبسهم ولا احد يسئلني كيف عشان في ناس تفهمني غلط اذا وضحت

الزبدة بكل مكان احصلهم في المجمعات بالصبح زحمه الى الليل مع ان مجمعات الرياض افضل من مجمعات الخبر زي الراشد والظهران
واكثر العوايل معهم بنات كل عايله معه 5 بنات كبار وبزارين
والمقاهي زحمه حتى المقاهي اللي ماحد يطبها عندنا مسوين زحمه عليها
خلاف ذالك الشقق المفروشه ولا الفنادق زحمه
حتى المطاعم نفس اللي عندهم زحمه ايضاً

اشوفهم من صباح الله خير جالسين في الكورنيش الدمام وانا طالع للدوام اشوفهم
حتى حريم مع بعض ورجالهم بنص البحر يغمسون رجولهم
مادري هو البحر الميت ولا كيف بالضبط
مع ان في لوحه تحذيريه تقول ممنوع السباحه فيه والبحر وسخ اصلاً

والله حسيت ان الدمام والخبر مثل دبي ولوس انجلوس في نظرهم واحنا ظالمينها
طبعاً لا انسى اكيد بعضهم يمر على البحرين وهي حذفه حصاه من الخبر
وامس الجسر الزحمه واصله من نهايه الجسر أي عند مدخل الدبلوماسي والعادي أي بدايه الجزيرة
انا لو شفت هالزحمه ارجع بالعادة ولا تجي الزحمه الا ايام العطل الخميس والجمعه
لكن البعض الحين عادي عندهم ينطق بالجسر ساعتين واكثر

ماشاء الله فالينها الله يسعدهم