اصحاب الخبره ابني في صف سادس كل يوم ضارب طالب ( صور بالداخل)
 

https://i.ytimg.com/vi/4BtX31AvZ6U/hqdefault.jpg


السلام عليكم ورحمة الله وبركاتة

اخواني الاعزاء وفقكم الله

انا تعبت من ابني الي في صف سادس

هو ترتيبه الوسط بين اخوانه

جميع اخوانه ماعندهم هاذي المشكله الا هو

انسان كل يوم وثاني مشكله في المدرسه

والمشكله الوكيل كل يوم وثاني متصل علي تعال ابنك ضرب فلان

تعال ابنك في الفصل متضارب مع اكثر من واحد طول الشهور الي راحت هاذي المشكله

اخر مره كلمني قالي تعال خذ ملف ابنك مانبيه بالمدرسه

ورحت وتكلمت معاهم ومع المدير وقلنا بنغير فصله وفعلن غيرنا فصله

وانا فالبيت كل شي سويته معاه

1- كلام بيني وبينه وانه رجال ومن السوالف ذي وكلام لحالنا وانه كبير ومن الكلام سويته معاه
2- ضرب بالخيزرانه وضربته لين تكسرت عليه
3- حرمانه من الاشياء الي يحبها سويتها معاه

طبعاً اكيد بتتسالون وش يكون كلامه

لما اساله يقولي انه هم الي يغلطون علي طبعاً انا رحت للوكيل وقلت له ابني يقول ان
الطلبه يغلطون عليه

قال تعال معي ورحنا انا وياه للفصل دخل الوكيل وقال لو سمحتو يطلبه من
منكم صديق (__فلان___) تخيلو مافيه الا ثنين قالو حنا

بعدين سال الفصل من منكم (____فلان____ ) قام بضربه الفصل كلهم رفعو يدهم

قال الوكيل شفت :hawamer3212

اليوم داقين علي تعال ابنك ضرب ولد لحد النزيف وابو الولد بيشتكي للشرطه لاحول ولاقوة الابالله

المهم تكفون هل سبق احد مر بنفس هذي التجربه مع عياله

ياليت تفيدونا بحلول او تجارب من هاذا النوع

وشكراً لكم