بهدووء لأني ماني فاهم، ممكن أحد يقول لنا وش الحل الآن بعد قرارات الأسكان الأخيره؟
 

واحد من الربع من اللي نزل اسمه مع ال٨٠ ألف في دفعة الصندوق الأخيرة. وبعد ما مل وهو يدور بيت رخيص مالقى ألا بيت واحد كان أثناء البناء. أتفق مع صاحب البيت أنه ياخذه بعد ما ينتهي البناء. خلص البناء وأستلم خوينا البيت من صاحب البيت على أن صاحب ينتظر إلى يصرف الصندوق. أيضاً صاحب البيت طلب شيك عشان يضمن حقه وقام خوينا وكتب له شيك بالمبلغ! الكلام هذا من سنه ونص أو سنتين تقريباً. بعد كذا صارت لخبطة البنك العقاري وحسبنا الله ونعم الوكيل.

الآن صاحب البيت ملّ ويبي حلاله. واشتكى ومحكمة التنفيذ وقفت خدمات صاحبنا وعطوه مهله شهرين وما قدر يوفي إلا جزء بسيط من المبلغ. عطاه الشيخ مهله بسيطه أقل من شهر وما ندري وش بيصير بعدها.

وش الحل الآن؟ والبنك وين متجه؟ ووش وضع خوينا بعد سالفة تحويل القروض للبنوك التجاريه؟