النفاق والشقاق على أصوله
 

لما مرسي عزل طنطاوي وجاب السيسي قالك وزير دفاع بنكهه الثوره
لما السيسي عزل مرسي قالوا أمه يهودية وصناعه امريكيه
ولما السيسي أعلن عن مشروع قناه السويس الجديده قالك دا مشروع مرسي
وبعدها قالك دة مشروع فاشل!!!!!
ولما بدأ حفر القناة قالوا هتنهار !!!!!!!!
ولما طلب التمويل من الشعب قالك محدش هيدفع.
ولما الشعب دفع قالك دا بيبيعلهم الوهم !!!!
ولما وافق على عمل جسر الملك سلمان
قالك هيضيع قناه السويس الجديده اللى كانوا بيقولوا من شوية انها وهم !!!!
كانوا بيقولوا ان الاٍرهاب فزاعه عاملها السيسي
ولما شافوا التفجيرات وكل يوم جنود بتموت فى سيناء
قالك الجنود بتحارب وتموت والضباط قاعدين فى المكيفات !!!
ولما أتقتل قيادات قالك دا جزاء اللي يقتل المستضعفين في سيناء ويهجر اَهلها
و لما رفض السيسى قتل المدنيين او ضرب سيناء بشكل عشوائى و عنيف للقضاء على الارهاب نهائى
قالوا جيش ضعيف و جيش مكرونة
و لما نجحت عمليات الجيش و زادت اعداد قتلى الارهابيين فى سيناء
قالك الجيش المصرى بيقتل المدنيين و جابوا صور لقتلى من سوريا و الصقوها بالجيش !!!
ولما أتقتل ١٦ مصري في ليبيا
قالك فين مسافه السكه ويسقط يسقط اي رئيس طول ما الدم المصري رخيص
ولما الطيران المصري دك داعش فى ليبيا
قالك الحقوا الجيش بيقتل المدنيين والأطفال فى ليبيا وبيساعد قوات حفتر!!!!!
ولما اكتشفنا حقل الغاز فى البحر المتوسط قالك دا وهم
ولما السيسي قال لو لقبرص حق فى الغاز كنت هعطيهولها
قالوا السيسى هيتنازل عن الغاز المصري لقبرص !!!
و لما وزير الاسكان قال سيتم عمل تكرير ثلاثى لمياة الصرف لاستخدامها فى الرى مثل دول العالم المتقدمة ..
قالوا السيسى سيجعل الشعب يشرب ميه مجارى!!!!
الخ الخ .....
اقسم بالله العظيم كل ما سبق حدث بالفعل ..
و لو السيسي كان رفض يعطي الجزر للسعوديه
كانوا هيقولوا شوفوا التاريخ والوثائق بتقول ان الجزر سعوديه
ومش راضي يديهالهم علشان يحافظ على امن اسرائيل و قوات حفظ السلام فيها..
خلاصة القول ان الناس دي ضدك علي طول و ضد الوطن و ضد الشعب المصرى بكل طوائفه..
لان قضيتهم الاساسية هى كرسى مش وطن .
لكن احنا قضيتنا الاساسية وطن و لا يوجد مرشد بيوجهنا الا الله و رسوله فقط...
و دة الفرق بيننا و بينهم ..


منقول

هذا حال الحرباوية في كل بلد حزب يسعى لدمار الأوطان يفسدون ويظنون انهم مصلحون

وصلى الله وسلم على محمد