بعد صلاة العيد اجتمعنا في بيت احد الاقارب وعايدنا بعض وفيه شخص من الجماعه لم يحضر وبحكم ان بيته ليس ببعيد واصرار واحد من الجماعه رحت معه
وياليتني مارحت
ركبنا السيارة وتوجهنا له واستقبلنا ابنه ودخلنا مجلسه وأول مادخلت المجلس شفت صينية كبيرة وبوسطها صينه اصغر منها
( الصواني اللي كانوا قديما يقلطون فيها الذبائح )
فيها يمكن كرتونين برتقال وكرتون تفاح وكرتونين موز ومدرب كم كرتون كيوي ويمكن اكثر
بعد السلام وكم سالفه
قلت يابو فلان الله عز وجل نهانا عن الأسراف
وهذا الفعل سيسألك الله عنه يوم العرض عليه
فاكهة ومع هالحر تخرب ويمكن يؤكل منها 5٪ والباقي بيروح للحاوية
قال هذي حاطينها للي مثلك وشرواك
قلت الناس يزورونك سلام ووصل مايزورونك علشان ياكلون فاكهة
حسّيت انه زعل .. واللي أنا جاي معه جلس يغمز يبغاني اسكت فقام غير الموضوع وجلسنا نسولف
ثاني شي نقز واحد من عيال وقام يصور فيديو سناب شات
ويتكلم وهو يصور الفيديو يقول شرفنا الْيَوْمَ ابو فلان وأبو فلان
قلت أنا له اتعبك الجوال ثبت لك كاميرا ذكية في الجدار وخلها توثق كل شي ..!!
المهم استاذنا ولزم علينا بالغداء واعتذرت وبالعشاء وقلت معزوم
ويوم ركبت مع الخوي قال وش فيك علي الرجال هذا جزاه يكرمنا وانت تنتقد كل شي
قلت له ماعرفنا هالمهايط اللي يوم جاءت برامج التواصل الاجتماعي
هل أنا مخطئ فيما قلت .. هل كلمة الحق ماأحد يتحملها بهذا الزمن
المواضيع المتشابهه 
الْيَوْمَ مريت علئ واحد اعايدة وهذا ماحصل بيني وبينه 
العرض الشجري
