منتديات شمس الحب - تغيير جو : لما يتهاوشون عيال الابتدائي تتوقعون عيال الثانوي يفزعون؟

حكاية الأزمة الخليجية باختصار:

أخوك البحريني في ثالث ابتدائي تهاوش مع واحد في فصله قطري على وين يجلسون في الفصل وجاء ولد عمك الإماراتي اللي أكبر منه في خامس ابتدائي وفزع لأخوك بس خصمهم بالرغم انه في ثالث ابتدائي إلا أنه قوي وماقدروا عليه لأنه يشرب حليب من يومه صغير وعظامه قوية

استنجدوا الاثنين بعيال عمهم في المتوسط واحد سعودي والثاني مصري بس ماودهم يتدخلون بشكل مباشر قالوا ياولد خلنا نضيق الخناق على القطري ونمنع عنه الفسحة ومانخليه يشتري لين يجوع لعل وعسى يتأدب

المهم القطري في ثالث ابتدائي عرف أنه بيموت من الجوع وابتلش ماعاد له خيار استنجد بولد المتوسط التركي ولد جارهم قال له ابي فزعتك تشتري لي من المقصف وعليك أني أباشر عليك يوميا بفسحتك وماتدفع ولا ريال طبعا التركي لقاها فرصة ووافق لكن المصري والسعودي ماخلوا التركي في حاله ويتفاوضون معه في انهم مايبون يضرون القطري بس يبون يأدبونه عشان يمشي على الصراط المستقيم لكن التركي اخذته العزة بالإثم ويبي يثبت أنه قوي ومااحد يسيطر عليه .

السؤال اللي يطرح نفسه :

تتوقعون عيال الثانوي يتدخلون في هواش الابتدائي ؟
وهل تتوقعون عيال المتوسط يتهاوشون فيما بينهم ولا التفاوض كافي لحل الخلاف؟

تحياتي لكم وعيدكم سعيد ،،،