السلام عليكم
عند جارتنا مشكلة معقدة في الشقة وهي ان قوة دفع الماء في البداية تكون ممتازة وتبدأ تضعف تدريجياً لين تصير المويه بدون دفع لدرجة حتى دش الماء يتوقف والمويه تنزل من الصنبور تحته بشكل ضعيف ! يعني من يوم تفتح الدش الماء يصب منه 3 دقايق وبعدها يتوقف نهائياً من الدش والمشكلة هذي في جميع حمامات الشقة ومو بس في الدش حتى الشطافات والمغاسل لكن لأن الدش الواحد يطول تحته عشان كذا المعاناة فيه أكثر !
ولازم تقفل المويه وتنتظر تقريباً 5 دقايق لين ترجع قوة الدفع اللي تكون ممتازة خلال أول دقيقتين !!
العجيب ان الشقة في الدور الأرضي هنا المصيبة يعني المفروض دفع الماء يكون في أقوى حالاته والمشكلة لها فوق السنتين ما انحلت وجابوا سباك شيّك على عداد المويه عند الخزان العلوي وشيك على جميع المحابس الرئيسية فكها كلها وسلّكها ولا انحلت المشكلة أتمنى ترشدونها لحل غير تركيب مضخة في السطح وللمعلومية جميع الشقق في العمارة لاتوجد بها هذه المشكلة !
للتوضيح أكثر : " في حالة وصل دفع الماء إلى أضعف حالاته أي بعد مرور 3 دقايق من فتح الماء تصبح جميع مصادر المياه في الحمام في حالة ضعف مؤقتة "

هذا مقطع فيديو يوضح المشكلة :

https://youtu.be/s8DYcklDQBA