تعال نتبادل الخبره في اختيار ( الأضحيه )
 

من خبرتي في الشراء

ترى طلعت ولا نزلت كلها خروف نعيمي
او اللي تختاره المهم انه خروف يضحي .

وماعاذ الله ان يفهم كلامي التقليل من قدسية هذي الشعيره

ولكن اقصد ان البعض يتشدد ويحرص ويطامر ويتردد ويوسوس
ويطّول ويدور السوق كله ويتصل على اخوانه وقرايبه ويمكن يطلب فزعتهم ينزلون معه والموضوع ما يحمل هذا الكلام كله .

فرح وراعينك الصغار وخذهم معك وخلهم في السياره ومن اقرب سياره
جذع جبر تتفقده وتتأكد انه طلي ماهو رخل ويكون اقرن املح والسلاااام
ويكون حجمه وسط ( بقول لكم قصه بخصوص الحجم )

جاري العام دق علي الباب الساعه 10 يعايد وقال ممكن تجي تساعدني قلت ابشر بعزك
لقيته يبيني اساعده نشيل الخروف نعلقه في الحبل وعلى ان عندي انزلاق لكن ما تعذرت وحنا ثلاثه انا وهو وولده

واقول في نفسي سلامات شاري ثور والله يا اخوان اني قعدت 3 ايام يالله امشي ويالله اجلس .

على كل حال تروا الامور بسيطه هينه ميسره من الله لكن بعض الناس يعسر على نفسه .

يمكن بعضكم ما بيعجبه كلامي لكن هذي وجهة نظر .

اترك المايك لك ( ادل بدلوك اخي العزيز ) ...


.