نصيحه لا احد يشتري سياره مستورده من امريكا
 

من تجربه للأسف انخدعت فيها مرتين
لأني قلت المره الاولى يمكن ان هذي حاله وتصير ويوم شريت سياره ثانيه مستورد من امريكا عرفت وايقنت ان المواصفات الامريكيه ما تركب على المواصفات والبيئه السعوديه مهما قالوا السياره من ولاية تكسس او اريزونا وان جوهم زي جونا
هذا اقسم بالله كلام فاضي وأول ما تلاحظ الاختلاف وقت الصيف برتفاع الحراره بعدها تجيك الخرابات في طرمبة المويه والبنزين والبواجي وما تدري وش المشكله وتحصل المشكله الوحيده ان المواصفات والمقاييس مختلفه اختلاف كامل .
سبب الموضع كذلك ان زميل لي كذلك استورد سياره المانيه من امريكا وعملو لها برمجه جديده بحيث العداد يصير بالكيلو وخرايط الشرق الاوسط على الملاحه اللي صار ان السياره من عيوبها تطفي احياناً بسبب البرمجه والحراره في الصيف تتعدى انص بشي بسيط
الخلاص / المواصفات السعوديه تختلف عن الامريكيه وانا استغرب كيف المواصفات والمقاييس تسمح لهذي السيارات بدخول رغم كل العيوب ورغم انها لم تصمم للبيئه السعوديه .
والمشكله ان اللي يستوردها او صاحب المعرض لو تقول خذ لك سياره مستورده امريكيه هو في قرارة نفسه يرفض يرمي فلوس في سياره يبتلش في مشاكلها
هذي نصيحه وكلاً حر بماله واختياره
وسلامتكم