وزارة النقل تطلب مليون ونصف لفتح محل تأجير سيارات...وين السعودة أجل
 

بسم الله..

حاولت افتح محل تأجير سيارات لابني بعد السعودة ليديره بنفسه وعندما ذهبت لوزارة النقل للتعرف
على شروطهم بعد نصيحة احد الزملاء طلبوا مني توفير 50 سيارة بقيمة مليون ونصف كحد أدنى
والمرور طلب حوش خاص للسيارات ..وانا حاط ببالي 5 سيارات كبداية

طبعا قلت لابني دور لك وظيفة ابرك انا كنت بحط 200 الف للمشروع ولكن مع الشروط انسى الموضوع
وهالسعودة وهمية زي الاسكان الوهمي زي مشاريع الطرق والقطارات الوهمية ونيوم وغيرها.

انا ذهبت لوزارة العمل طلبت فيزا موظف يساعدني قالو اعلن وبعد 45 يوم اذا ما جاك احد نعطيك فيزا تستقدم عليها
يا وزارة العمل ترى ما شغلتو السعوديين الا مندوبين ومعقبين والوظائف الزينة حقت اللبنانيين والاردنيين
هي اللي لازم توقفونها لا زالت لهم ماهو عامل مغسلة ولا حلاق...أقفل مشروعي 45 يوم وتمصني
وزارة التجارة والغرفة التجارية والزكاة والتأمينات والبلدية ويقولون ليه السعودي يفشل والاجنبي يسيطر عليه.

المفترض اي سعودي يفتح محل ليديرة بنفسه يعطى اعفاء من 3 الى 5 سنوات من كل القطاعات الحكومية وأولها الضرائب
اعطوني اعفاء وعامل نظافة ( ولا ادور هاذا سعودي بعد ) وتسهيل في الاجراءات وأغلب السعوديين من باكر
يفتحون المحلات ويديرونها بدل الاجنبي .

الحمد لله على كل حال