السلام عليكم ورحمة الله وبركاته
واسعد الله اوقاتكم بكل خير
اسال الله العظيم ان يغفر لي ولكم ولوالدينا ولجميع المسلمين الاحياء والاموات
في الحياة اليوميه مواقف تمر على الكثير منا منها المحرج والطريف
وساسرد لكم موقفين حصلت معي
الموقف الاول
في احدى المرات سافر امام المسجد في الحي وانابني عنه في الاذان والامامه لعدم وجود مؤذن
وفي احدى الصلوات كان فيه اثنين من اهل الحي بينهم خلاف وقطيعه والعياذ بالله
بالرغم انهم قرايب المهم حان وقت الاقامه ولا يوجد في المسجد الا انا واياهم
المهم اقمت الصلاة وقام احدهم الشايب وقال لي ما معك الا هذا في الصلاه يقصد
خصمه والله ما اصلي جنبه يابن الحلال قال والله ما اصلي جنبه
تركته وصلينا انا والرجل الثاني وقف عن يميني ولما كبرت تكبيرة الاحرام
قال الشايب وصف عن يساري وانا بينهم
لاحول ولاقوة الا بالله في هذ اللحظه دخل احد الاخوان وهو يعرف اللي بينهم
وتقدمت انا وهذا احد المواقف
الموقف الثاني
موقف محرج جدا جدا
كان فيه خلاف بين احد سكان الحي وبين زوجنه واستمر فتره طويله وكلمت الامام
قلت خلنا ندخل في الموضوع ربما نستطيع ان نقرب وجهات النظر بين الزوجين
المهم استدعينا الزوج وناقشناه وهذي ام عيالك وقريبتك ومن هذا الكلام قال انا موافق
لكن هي لها شروط كان الخلاف مالي حول 850 الف ريال وعلى كلامه قال انا كتبت
عمارتي باسمها ولم يبق الا 50 الف قيمه ايصال الكهرباء
المهم استدعينا اخو الزوجه واتفقنا جميعا ان الطرفين شبه متفقين وقال اخوها اتركوها
يومين وبعده ان شاء الله ترجع بيتها قلنا خير مرت يومين ثلاثه ووصلني خبر ان
الزوجه رفضت ترجع الا بالخمسين الف وتسلم كاش
يومها كان الامام مسافر وقلت للزوج خلاص اذا جاء الامام ان شاء الله
ننظر في الموضوع مع اهلها
وبعد اسبوع جاء الامام وبعد الصلاة جلست انا واياه في المسجد وغادر المصلين
جميعا الى منازلهم وكانت صلاة عشاء المهم نسينا اذاعه المسجد شغاله نسيانا
علمت الامام بالسالفه وقلت الزوجه اشترطت الخمسين الف وكاش
المهم انا زعلت وتكلمت بكلمه وقلت والله ان الرجال لوكان يركبها ما وصلت الى هذ
الدرجه من الخصومه لكنه ماهو رجال والاذاعه شغاله والمسجد وسط الحاره يالله
فيه جار ماشاء الله عليه كان يسمع كل كلمه قلناها والمصيبه ان بيت الزوج
قريب من المسجد وكذلك اهل الزوجه وتكلمنا بكلام الله لا يوريكم اهل الامام والله
العظيم اتصلوا ثلاث مرات عليه وهو يقفل الجوال الحرمه تبغي تقول الاذاعه شغاله
وكلامكم فضيحه على الهواء ونحن ما ندري فخرجت انا واذا بالجار يقول ابو محمد
سوالفكم سمعها اهل الحاره كلهم كيف قال الاذاعه شغاله
وكانت فضيحه بجلاجل
المايك لكم هات ما عندكم
بالمناسبه الامام معنا هنا عضو بالمنتدى
المواضيع المتشابهه 
قصص محرجه لي وهات ما عندكم 
العرض المتطور
