وش افضل بنك يشتري مديونية
 

السلام عليكم ورحمة الله وبركاته

اخواني عندي قرض بالراجحي سداده المبكر 78000 وابي مبلغ اضافي وبصراحة قلت ابي انحش من قرض الجسر حقهم وفوائده واروح بنك ثاني اخذ مبلغ اضافي وانحاش من البنك بكبره

نصيحتكم وش افضل بنك يشتري المديونية

انا اخذت جولة برمضان على الفرنسي والانماء والامريكي والجزيرة والبلاد
البلاد يشتري وفائدته 1.99 والامريكي نفس الشيء والجزيرة نفس الشيء بعد
الفرنسي والانماء مايشترون
والبقية مامريتهم والاهم الرياض والاهلي

ودي بشوركم افضل بنك

ممكن فيه ناس تسأل وش معنى شراء مديونية

يعني افتح حساب ببنك ثاني ويعطيني قرض بالمبلغ اللي يناسب راتبي اللي هو 18 راتب في البداية يعطيني شيك بالمديونية اللي علي بالبنك الثاني واروح اسدده واجيب اخلاء طرف واحول راتبي على البنك اللي شرى مديونيتي وينزل بحسابي باقي مبلغ القرض اللي خذته

وبكذا اكون ضربت عصفورين بحجر
اخذت قرض جديد وبالفوائد العادية للبنك بدون زيادة على شراء المديونية واستفيد من المبلغ الاضافي والامر الاخر افتك من البنك اللي ماسكني