اليوم ..قمت من النوم



وطبعا كالعاده..مكشر..والخشه وارمه..والشوشه طايره

وامي تشوفني وتقول..ياحلوك...وانا صدقت وفقيت كشرتي عاد...

اهم شي..نقزت اشوف الساعه...واذا بي متأخروانقز..من السيرير( الدعوة كلها مناقز)..بس النقز الأخيرة..تقل نقزة عدنان يوم يطب من السطح

اهم شي واخترش..على بالي مستعجل...

واروح احمي الموتر..ومشغل اغنيةحبيتك بالصيف..حبيتك بالشتي..على اعتبار..اني اخق مع ذا الأغنية


اهم شي..مشيت..وطول الوقت مطلع راسي من الطاقه ( الدريشه - الشباك) تحسون ناوي طقاق..


ولكن..بزحمة الرياض..يجب عليك ان تتميز بعدة اشياء...:


اولا .. خل عنك المناديل خاصة اذا صرت تحط المناديل ورا..ومسح بشماغك

ثانيا..دق اللطمه..وحبذا تربط الشماغ ربطا محكما..

ثالثا..طق النظارات الشمسيه..والتي هي دليل قاطع على انك بايعها باثنين شورما..

رابعا..افتح كل الدرايش..وسو نفسك مهوب هامك البرد..وهو ايضا دليل آخر على انك بايعها باثنين بروستد..

خامسا..شغل ام بي سي - اف ام..عشان يمكن تصادف تجي دعاية..شماغ البسام البصمه 4 ويقهرونك..وتعصب..حيث انك بحاجة للتعصيب..

سادسا..حط يدك اليسار..على الباب..وحط يدك على خدك..لأن هذي الحركه..تعطي انطباع ..انك انت وآل سعود اصدقاء..

سابعا..وهو الأهم..لا بد ان تتميز بالذكاء الأستدلاخي..حسب نظرية الأخ صويلح الملقب..بأبو نشقه..وهو من اخترع ..حركة سنوكا بالمصارعه..اللي ينقز من فوق الحلبه..علما ان صويلح كان ينقز من فوق الملحق..



نعود لشرح الذكاء الأستدلاخي..

وهو..ولنضرب مثال..على ذلك لأني توهقت
مثال تطبيقي...جاي تمشي 160 ..طبعا مهدي مره حسب قول عرابجه الرياض..


وااذا بك تفاجأ ان الأشارة خضرا..وتقزها من بعيد..مما استرعى انك تدعس (اموت يا استرعى احس اني ماجد الشبل)..ووصلت سرعتك 223 ..ويجدر الذكر ان سيارتك مابها فرامل...يعني ..لو سحبت جلنط..بيصير لك الصحن الدوار بالسيارة


اهم شي..انك قطعت الأشارة وهي حمراء..ولقطك الدوريااات...فماذا انت فاعل هاهنا..؟ هاه صفقني احد يقدر يتخلص من هول هذا الموقف..بدون الذكاء الأستدلاخي


فتقوم انت..بذكائك الأستدلاخي..وستوي نفسك..دلخ..يعني سو نفسك قاعد تشغل المكيف..والا تغير الشريط..وسو نفسك تدور حلاق ..مع الأخذ بالأعتبار..انك تفتخ ثمك..عشان ياخذ راعي الدوريات انطباع بدلاختك....


سؤال..وردنا من المرسل رمز بأسمه ص ا ن (طبعا سوو نفسكم ماتدرون انه اختصار صويلح ابو نشقه) ...يقول السؤال..اذا صدمت هندي بالشارع ..وش اسوي ؟؟


نرد عليه..بقولنا..انك تنزل..على الهندي بالعقال..وتجلده لين يعض الأرض..وتقوله وانت معصب..وراك تنسدح قدامي ..

دووووووووووووم الضحكه حبايب قلبي
منوره الصفحه بنوركم
تحياتي لكم