ملاك زين فقط
 

السهم علاجه الصبر والله العظيم قبل اكثرمن سنه تقريبا شريت مائة الف وعشرة الاف سهم بسعر سبعه ريال وخمس وتسعون هلله ونزل السهم الى مادون السته وصبرت عليه نسيته وخلال تسع شهور رجع الى مشتراي وبعته بمربح ولله الحمد ووصل السهم الى اكثر من اثنا عشر ريال هذا اولا .
ثانيا اذا بعته وين تبي تروح تشتري سهم اخر يمكن ما صحح ونزل نزول قوي مثل زين ثم تتعلق فيه واسال نفسك الان لو ما دخلت زين او تعلقت ومعك كاش واين تبي تشتري ما راح تلقا سهم افضل من زين بالسعر هذا حتى لو نزل زياده مامنه خوف .
ثالثا هذي شركه كبيره فيها مساهمين كبار وامراء وشركات كبيره مستثميرين طويلي الاجل يعرفون انه يبي يجي يوم تكون الشركه قادره على توزيع ال بمشيئة الله وفي ذلك الوقت سعرها سيكون مقارب للشركات الاخرى الاتصلات وموبايلي ,
رابعا من يظغط على السهم صناديق تريد ان تاخذه ببلاش لكي ترفعه مستقبلا وتبيعه فوق وتربح من العمليه مبالغ هائله بمساعدة بعض الصحف المأجوره التي تنشر كل يوم تقارير عن قروض شركة زين وكانها الوحيده التي عليها قروض اغلب شركات السوق عليها قروض وبعضها اكبر من قروض زين وايضا بمساعدة بعض اشباه المحللين كل يوم يطلع محلل يوحي بأن السهم حينزل الى هالنقطه تحت مما يسبب خوف وهلع عند المحافظ الصغيره تدفعهم الى البيع واذا وصل السهم الى النقطه المذكوره طلع لنا محلل بمعرف اخر وقال باقي نقطه اخيره تحت لازم يصل لها السهم وهلما جرا حتى ينزف السهم ويدج ويقدم باسعار رخيصه على طبق من ذهب للهامور او الصندوق فاحذرو اخواني من اذناب الهوامير .

http://www.hawamer.com/vb/images/sta...ser_online.gif http://www.hawamer.com/vb/images/buttons/reputation.gif http://www.hawamer.com/vb/images/buttons/report.gif http://www.hawamer.com/vb/images/misc/progress.gif
واخيرا ابي اسال سهم قبل عشرين يوم سعره حول ثلاثة عشر ريال واليوم بتسعه ليش صاير حرب وش صاير اقول لكم من خبره احدى عشر سنه في السوق هذا ضغط متعمد على السهم من قبل هوامير وصناديق لانهم يعلمون انه بيجي يوم سعره بيرتفع فوق فوق الي مو محتاج فلوسه حاجه ضروريه يصبر وان شاء الله يبي يدعو لي انس السهم وارتاح من السوق خذ اجازه طويله افضل من الخساير والمناقز بين الاسهم والتعب وا والله ما املك ولا سهم بشركة زين حتى كتابة الموضوع ولو كنت املك ما بعت لو اخليها ورث لاولادي وان شاء الله ناوي ادخل الشركه الايام القادمه لاني داخل بكل سيولتي بسهم الان ولا اريد منكم الا الدعاء وهذا اجتهاد مني ان اصبت فمن الله وان اخطأت فمن نفسي والشيطان .