قصيدة من اروع ما قرأت لا تفووووووووووووتكم
 

قصة هذه القصيدة كان الشاعر مبارك فايز البخيت السبيعي في منطقة بحرة محافظة جدة عام 1395هـ وكان بيته مفتوح لجماعته وجميع من يقصده ، وفي احد الايام سير عليه مسايير من جيرانه وقاموا ينصحونه عند الكرم وكان يسوي لهم القهوة على النار ودق البهار في النجر وهوجس من كلامهم وبدل ما يحط البهار في الدلة حطه في البراد فانتبه لي بعضهم فقال وشبلاك يالبخيت عسى ما شر هل انت هوجست قال نعم . وبداء بالقصيده,






سجه مع الهاجـوس طبيعـة ٍ لـي
طبيعـةٍ بامـوت ماجـزت عنـهـا

أشكي على الخلاق وارفع لـه يـدي
لاكثـرت الأفـكـار يـفـك منـهـا

أما الكرم قد فـاز بـه حاتـم الطـي
حتى الفرس من شان ضيفه طعنهـا

خلقت في الدنيا وانـا مامعـي شـي
وبروح منهـا مامعـي شـي منهـا

خلوني استانـس بهـا حدنـي حـي
لامـت مـدري جثتـي مـن دفنهـا

مسكين ياللي تحسب الواجـد شـوي
والعافيـه لـو تنشـرى وش ثمنهـا

ياجاهـل الدنيـا تراهـا كمـا الفـي
يامخبل اللـي فـي حياتـه ومنهـا

إن ناحرت لك قامت تـروح وتجـي
مثل الذلـول اللـي طويـلٍ رسنهـا

وإن دبـرت خلتـك طايـح ومرمـي
وكم واحـد ٍ لـه حاجـةٍ ماضمنهـا

لابد مانرحـل عـن المـزح والغـي
ونسكـن بيـتٍ قبلنـا مـن سكنهـا

النفس مثل الغصن عايش على الري
ولولاه كـل النـاس عافـت وطنهـا

يالله عسى الحسنات تقضي على السي
لاقربـوا للنفـس ذرعـة كفنـهـا