ماني معاق إن المعاق
الي يقول معوقين
يحسبنا صفر بهامشه
يقول ذولي محرولين
حنّا قمم حنّا همم
خلقنا رب العالمين
حنّا أجر حنّا فجر
وابشرك مستانسين
مانبتغي إلا الإله
هو الي يجزي الصابرين
يجزينا في جنة عدن
سلام فيها آمنين
والدنيا ياعابر سبيل
ترانا فيها مسافرين
دنياك هذي زايله
عمرك بها عدة سنين
إن كنت بالدنيا بسرور
أو كنت بالدنيا حزين
أو كنت سامي بالعلا
أو كنت في سجن رهين
جهّز جهاز الآخرة
خلّك ذكي خلّك فطين
موعدنا جنّة ربّنا
يستقبلنك حور عين
تشوفنا في طولنا
في عمرنا متساويين
لافرق إلا بالعمل
مرفوع شان الصالحين
والإبتلاء من ربنا
أصاب حتى المرسلين
ثم الي يلونهم
والله يعوض المبتلين