حصلت لي اليوم قصة اغرب من الخيال !! معقولة انا في السعودية ؟؟
 

اليوم حصل لي موقف بصراحة غريب عجيب

السالفة ومافيها عندي كفر خربان ووقفت في اقرب محطة ابي اغير الكفر المهم وقفت عندي البنشري قلت لة ابي اغير كفر يوكوهاما


قال ابو يمن الكفر ب550

المشكلة اني توي طاق طقم كفرات من الوكالة ب520 والمعروف ان البناشر اقل من الوكالة ب50 ريال على الاقل

قلت ياخوي انا طاق طقم كامل الواحد ب520 وانت حاطة ب550 قال تبي ولاتوكل على الله


طقتني الغبنة بصراحة وش اسوي ياولد قلت ادق على وزارة التجارة رقمهم 8001241616

الو كيف الحال اخوي السالفة كيت وكيت وكيت قال شوي وتجيك رسالة من وزارة التجارة احفظ رقم البلاغ وبيدق عليك المراقب الان قلت اوكي

وشوي تجي الرسالة

http://img849.imageshack.us/img849/6129/1111wns.png



وخمس دقايق الا تجي رسالة من المراقب

http://img593.imageshack.us/img593/8458/11122222.png



كلمتة الو اهلا يا مراقب السالفة كيت وكيت وكيت قال وصف لي الموقع وووصفتلة ربع ساعة الا هو جاي

جاب اوراق وقال اكتب بلاغك وانا راح اتاكد من الموضوع دخل على المحل وقال وش المشكلة ابو يمن نص الى في المحل هربو الظاهر ماعندهم اقامات

والا جاي كبيرهم اهلا ويامرحبا وشوي تغير وجهة عن قبل شوي قال ليش رافع الاسعار وانت مسموح لك البيع بنسبة معينة قال ياخي انا ابسوي لة ترصيص ومدري وش وبضبط

ناظر فيني المراقب وقال انت طلبت منة قلت ماطلبت الا كفر ويركبة بس واكيد بيترصص الكفر الجديد

المراقب ليتة كذا وبس فتش المحل ولقا نص البضاعة مضروبة ويبيع كفرات مستعملة بعد

مادريت الا ابو يمن متجمعين على تكفى يا اخي فكنا من المشاكل وبنسوي لك الى تبي انت تسببت علينا قلت احسن عساك من ذا واردي واشغل الموتر وامشي

كلمني المراقب بعد ماخلص وقالي بكرة بنسحبهم لوزارة التجارة ويصير خير ومالك الا ندق خشمة هو وعمة الى متستر علية


قلت انتو وينكم من زمان قال الان تغيرت الوزارة وماعد فية لعب مثل اول قلت لة الله يبيض وجهيكم المفروض ذا الشغل من زمان


المهم يا اخوان الرقم دونكم ولاتترددون دقو واي شي مايعجبكم او اي واحد رافع الاسعار لاتخلونة لازم نحط حد للمافيا هذي ولو حتى مزود ريال ...