هذه أقوى قصيده لهذا العام بلا منازع ..... فيها من العبر مايفيدك طوال حياتك
 

طبعاً القصيده انتشرت قبل يومين في الواتس آب وانا انقلها لمن لم تصل اليه من اجل ان يستفيد اكبر عدد ممكن
القصيده للشاعر الكبير سعد بن جدلان الاكلبي

يقول ابن جدلان

................................

أبنصحك عن خايبين المجاليس
عاشر حكيم الراي والنذل خله
رَجلً ليا جيته هروجه مفاليس
ورَجلً ليا جيته أبَد ما تمله
ورَجلً إذا شفته تعوّذ من ابليس
ورَجلً تشوف بوجهه الخير كله
ورَجلٍ يعكر دنيّته بالدنافيس
ورَجلً به الأيام عَيّت تحله
ورَجلٍ يهدم دنيته بالوساويس
ورَجلً يعَقد الرّاي ورَجلً يحله
ورَجلً حياته كل أبوها عواكيس
ورَجلً حياتَه مثل ما قِيل : فَلّه
ورَجلً كلامه مثل ضرب الدبابيس
ورَجلً كلامه مآ يجي فيه زَله
ورَجلً لاجل رَبعه يجيب النواميس
ورَجلً يجيب الكآرثه والمذله
ورَجلً يصرّ المال في داخل الكيس
ورَجلً على المحتاج ماله يهلّه
هذي وصايف قلتها لك بتقييس
وانت الفهيم . وكل دربً تدله
لو الفقر ضـيفٍ ،، وحنا معازيب
يا مرحبا بالفقر ، دقه وجله
الفقر ماهو عيب تدري وش العيب ؟؟
أنك غني والبيت محدٍ يدله