منتديات شمس الحب - ي أخوان ابي شوركم ورايكم بموقف هل انا مخطي والا الناس متخلفه !!

قبل ساعات اخوي (للتنسيم حدود) نزل موضوع ، ومايشوف شر ، وان شاء الله عوافي ،

حصل لي موضوع مشابه لموضوع اخوي ، حبيت اتعمق بالموضوع عشان تتضح الصوره ، لان اغلب المتعصبين والي مسوين فزعات جالسين علي بالرسايل واذبحوني

باختصار شديد ولو ان الشرح بيطول عشان تتضح الصوره

( رحت مع ولد العم يبي يغير زيت وفلتر للسياره ، وقال لليماني كم تسوي لي هالشغله ، قاله ابو يمن 80، من هنا من هنا نزل ابو يمن عشره ريال ،

قال ولد عمي اوك ، جلسنا بالسياره وغير كل شي ، وشيكنا معه ثم رجعنا للسياره وولد العم طلع البوك وعطاه 40 ريال !!
قال اليماني انا اتفقت معك ب 70 اخر شي ، قال ولد العم تبي الفلوس ولا انقلع وقام ولد العم سب اليماني ، قال له اليماني حرام ،

قلت ل ولد العم امسك هالثلاثين وعطه ، عشان تقصر الشر / قام شوي ويذبحني !! ، وقال الحمار يبي هال 40 ولا ينقلع
قال اليماني له عطني حق اتفاقنا / قام ولد العم ونزل وقال لليماني تبي هال 40 ريال ياحمار ولا انقلع وقامت بينهم مضاربه ، المضاربه يمكن ابو 15 ثانيه الى 20 ، على قولتهم ابو سريع ، !!

نزلت من السياره الا ولد العم عاضن الارض ، شلته وركبته السياره وقلت له هذا اخر الهياط حقك وين وداك
والله ما طرى لي اساسا افرق ولا حاجه / ، رغم اني تابعت الرضخ بتقنية Hd ولا طرى لي افزع مع انسان ماعنده عقل وتقول له هالشي غلط ويعاند ،

جلست اضحك !!! ، ما تلوموني على الضحكه ، تبوني اجلس احزن معه يعني ؟ يعني تخيل تنصح انسان وتقول له حرام ويجلس يعاندك !!

فيه ردود جاتني الي تقول ليه مافزعت ، والي يقول ارخمه ومن هالكلام والي يقول حرام تسير عتيبي ،

والله ثم والله اتبرا من اخوي لا ظلم ، حرام الشخص يظلم اخوه المسلم ، اسمع كلامكم ياخوان والا كلام الرسول ( اتقوا الظلم فإن الظلم ظلمات يوم القيامه ) مايجوز انك تضرب مسكين يطالب بحقه ، مااحد يتمنى الموقف هذا / وكلا يحط مكانه ، مكان اليماني المسكين * وترضى ان يضربك شخصين ، علما ان جميع الناس يسمون هالفعل غدر !!
شخص بشخص على قولتهم ، لان ولد العم راسه يابس ويبي يتهاوش ، وش تبون اسوي له ؟

بعض الردود تستفز !! :hawamer6112

مشاركتي موجوده بموضوع اخوي للتنسيم حدود:hawamer6912