تجربتي الناجحه في اعلانات الانستقرام + كلام عن التسويق
 

السلام عليكم




"شيء واحد فقط ندمت اني ما سويته قبل التسويق
و هو اني تمنيت لو ان كل صور منتجاتي عليها الاسعار - مكتوب على الصور مو بالتعليق - لاني ماعرفت فايدته هالفكره و فعاليتها الجباره الا بعد التسويق " - أنا -



بعد تجربه واحده فاشله في اعلانات الانستقرام حطيت فبالي انها غير مجديه و انها فقط لايكات و كنت و متورط كيف اعلن عن منتجاتي
طبعاً ما ابي اعلن عند شخص مشهور لاني جربتها اكثر من مره و مو كلها تنجح
طبعاً لانك ماتعرف ميول المتابعين للشخص المشهور لذا يا تصيب يا تخيب .

و حالياً فيه فتره ركود بتجارتي لذا قلت ليش ما اخذها فرصه و ابحث عن التسويق بشكل مكثف
و بالفعل بديت اقرأ و ابحث كثير على اليوتيوب فيها فيدوهات نفعتني كثير عن ناس جربت التسويق بشكل حقيقي مو كلام نظري
ايضاً ممكن تشوفون حساب سهل مهدي على الانستقرام ممتاز جدا

فقعدت افكر ليش تجربتي على الانستقرام فشلت ؟ فاكتشفت عدد من الامور اتمنى انكم تستفيدون منها لانها نفعتني كثيييير :

1- اني كنت متخوف و دفعت فقط 90 ريال لمدة 6 ايام و النتائج كانت بالفعل عدد مشاهدات كبير للصوره و لايكات لكن مافيه بيع ابداً - طبعاً التجربه هذي هي الي خلت تجربتي الي بعدها تنجح لانه ضروري جداً تجرب و تجرب و تجرب لا تستخسر اي تجربه بالتسويق
لذا استخرت و قررت اخلي المبلغ 500 مع الضريبه لمدة ستة ايام .

2- الخيارات الي يعطيك اياها الانستقرام لتحديد الي تبيه يشوف اعلانك يكون مهتم بأيش ؟ هنا حدد بالضبط الي تبيه , لاتزيد و تظن انه الافضل - ركز فقط على الكلمات الي بالفعل تشرح منتج ك- مثلاً انا ابيع كفرات للسيارات من الغلط اني احط من ضمن الكلمات كفرات دبابات يعني على بالي احتياط ان الي عنده دباب اكيد عنده سياره او ممكن يشتري سياره ليش لا و يحتاجني .

3- الفئه العمريه لا تستهين فيها ابداً - فكر بالفعل من يمكن يشتري منك ؟ او اصلاً مثلاً يقدر يتحمل كلفة منتجك ؟

4- الصوره لازم تدرسها صح , يعني انا سويتها بيوم و سألت المحيطين عندي و اعجبتهم
الصوره كانت :
صوره لاكثر من منتج+ عليهم سعر مخفض موحد ( ما كتبت انه تخفيض )
طبعاً الصوره الاولى كان فيها منتجين او ثلاث و بعدها صور المنتجات كامله بدون تقسيم

حطيت عشر صور - الانستقرام يسمح بهالشيء ,
و نزلت الصوره .

بعدها بيومين حسيت اني غلطان - مع ان التفاعل كان ممتاز الحمد لله و جتني طلبات لكن مو بنفس الكميه الي توقعتها -
لذا جلست افكر ان الصوره ما تبين للعميل ان العرض لمده محدوده لذا العملاء حفظوا الصوره عندهم و متى ما احتاجوا راح يشترون .

لذا قلت راح اوقف هالاعلان ( توقيف مو الغاء ) و انزل ثاني و اكتب على الصوره الاولى ان العرض مدته كذا .
و بالفعل نزلتها و انا مستانس و تركتها يومين .
- مافيه تفاعل كالسابق
- مافيه طلبات ( اقصد على الاقل سؤال عن القطع و هكذا )
- مافيه جفظ للصوره الا قليل جداً
- عدد المتابعات - مع اني لا أؤمن ان المتابعات تأثر بعملية المبيعات - كان قليل .

فجيت وقفت الاعلان الجديد و رجعت للاعلان القديم و شغلته مره ثانيه و بالفعل رجع كل شيء للافضل الحمد لله .

5- كل المحادثات الي صارت مع الزباين و لا تم فيها بيع رجعت و شكرتهم على اختيارهم لي و انه باذن الله راح توصل منتجات جديده و تعجبهم ( و انا بالفعل كنت مجهز لهالشيء )


ردود الفعل كانت جميله و ايام التسويق السته كنت انزل كل يوم صوره مشوقه - ضروري تكتبون السعر على الصور لان الزبون ماعنده وقت يقرأ او يسأل - كلام الاخ سهل -

لذا التسويق مهم جداً جداً جداً و الشركات الضخمه مازالت تسوق لنفسها مع انها خلاص صارت معروفه مثل شركه ببسي و غيرها .

ايضاً استفدت انه ضروري يكون لك حساب بأغلب تطبيقات السوشل ميديا لانه مو كل الناس تستخدم الانستقرام .

شكراً لكم .

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png