. فرح : ههههه هلا فيك .. فجر : بدري قلت البنت غرقت في البانيو . فرح : هههههههه .. مشعل يتريق : لا فجووره لا تخافي عندنا لستك بالحمام .. فدوه : ههههههههه اما لستك ... مشعل يغمز لفرح : عشان الحلوين لا يصير لهم شي .. فرح ابتسمت وراحت تجلس مع اخواتها وعيال خالتها .. سلمت على راس امها : كيفك ماما ؟ ام فايز : ................. طالعت في فراس بحزن وهزت راسها باسف وجلست بين مشعل وملاك ,, ملاك : كيفك ياقمرررر ؟ فرح : تمااامووو .. ملاك : دوومنيشن يارب .. فرح : تسلمي فين ميوويه مااشوفها .. ملاك : هههههههه مي طلعت تلبس نشبت في اخوكي فراس الا يطلع يمشيها .. فرح : ههههههه شطووره ميوويه بعد قلبي فاهمتني .. فراس : ههههههه اقول احلمي بعيد.. باخذها لحالها .. فرح حطت يدها على وسطها : ياسلام .. ملاك : ماعليكي فيه اخويا مشييييعل حبيبي بيمشينا صح مشعل ؟ مشعل يقلد صوتها : لاء مو صح .. فرح طالعت فيه ورفعت حاجبها : الا صح .. مشعل رفع حاجبو : لاء .. فرح : الا مشعل : قلت لاء .. فرح : طيب ولو قلتلك بتودينا يعني بتودينا .. مشعل : وانا لو قلتلك ماني موديكي لوتنفلقي ... فرح ابتسمت ابتسامه مايله على جنب : تقدر تقولها .. مشعل يقرص خدها بقوه : والله مااقدر .. فرح : ااي وجع مني بزره عندك هداك كان زمان .. مشعل : هههههههه والله بعيوني بتبقي صغيره الين اشوف عيالك .. فرح : منك ان شاء الله .. مشعل : الله لا يقولها ياشيخه .. شكلك بتحتكي لااا انا انسحب من دحين .. فدوه : ههههه والله شكلها حاطه عينها عليك .. فراس : نعم نعم ؟؟ والله اشوف ناس تتزوج وتتطلق قدامي وانا اتفرج .. خير ياانسه فرووحه .. فرح تلعب في اظافيرها وتهز رجولها بدلع : خير ياوجه الخير .. فراس : يالبييييي دحين تبغي تراضيني .. فرح بدلع : ليش انتا زعلان .. فراس يتريق على صوتها الي فيه بحه : لاااء مو زعلااااان .. فرح : لا تتريق ..
مشعل بنفس عصبيتها : ايوا لا تتريق على زوجتي .. فرح تدفه بقوه خلته يطيح هوا والكرسي : ايش زوجتك صدقت نفسك انتا .. مشعل يبعد الكرسي الي طاح فوقه : بلا عفاشه الله ياخذك .. فرح : يااااااااااااي .. مشعل وقف : طيب شوفي مين بيوديكي يلا توصوني شي .. فرح تتدلع عشان يوديها : مش مش .. مشعل مطنشها : فتوونه حبيبتي ليه زعلانه مالك حس اليوم ..؟ ** ملاحظه : مشعــل مايكـن لبنات خالته أي مشاعر غير الأخــوه والصداقه وهما نفس الشي يعني كل الكلام الي يصير استهبال** فاتنه مالها خلق احد : سلامتك .. فجر : ملووكه قومي بس خلينا نمشي والله انهم يجيبوا الطفش .. ملاك : من جد جاني اسهال من هرجكم .. فراس : دووم اسهال ياشيخه .. ملاك : وجع فراس انتا ليه حاقد ابغه افهم .. فراس بعدم اهتمام : لا سلامتك روحي بس لا تفلتيها علينا .. ملاك : طيب طيب .. راحت فجر مع ملاك يتمشوا في الحديقه .. فرح بدلع : مشـــــــــــــــــــــــــعل .. مشعل مطنشها عالاخيــر : فدووش يلا غيري ملابسك عشان نطلع انتي وفتوونه .. فاتنه : لاء ماليا نفس .. فرح تتميلح : خلاص انا بجي بدالها .. مشعل : ليه فتوونه لا تصيري بايخه زي بعض ناس (( يطالع في فرح بنص عين )) امشي يلا والله لا ألفلف بكم الرياض كلها .. فراس دق جواله وقام يرد عليه .. فرح وقفت قبال مشعل : مش مش ياعمري .. مشعل ولا كأنه شايفها .. فدوه قامت بسرعه : دقيقتين وأجهز لا تروحوا .. مشعل : اوكي انا راكب السياره 5 دقايق ماجيتي بمشي .. فدوه تجري : طيب طيب .. فرح : وأنا ...؟؟؟ مشعل اعطاها ظهره ومشى للسياره .. فرح اتنرفزت راحت لبست عبايتها بسررعه وحطتلها كحل ومسكره على سريع ولفت طرحتها وراحت تجري وراه .. فتحت الباب الي ورى وجلست .. مشعل يحسبها فدوه : فدووش ياهبله ليه ركبتي ورى .. فرح ماسكه ضحكتها غطت وجهها وتحاول تقلد صوت فدوه : مـآحب اركب قدام .. مشعل : سواق ابوكي انا تعالي قدام .. فرح : مـآبغه .. مشعل : اقول بسرعه قدام اشوف .. فرح خايفه تركب جنبه ويعرفها .. فرح تقلد طريقة فدوه بالكلام : والله اخاف اركب قدام .. مشعل يعرف بنت خالته فدوه تكره تركب قدام مع مين ماكان فخلاها على راحتها .. مشعل : اوكي براحتك .. حرك السياره وفرح فاطسه ضحك..>> مسكينه فدوو وربي لو تعرفي ايش سويت فيكي حتموتيني << .. مشعل شغل شريط تامر الجديد .. :: بحبك آآه بحبك ودايب فيكي وبحلف من الليله دي حعيش انا ليكي ..:: .. وشويه يرن جوال مشعل .. طالع في الشاشه وعقد حواجبه : فدو لا تستهبلي .. فرح مسكت ضحكتها اكيد هذي فدوه داقه على مشعل تهزأه : هااا ؟؟ مشعل رجع الجوال مكانه : اقوول بطلي استهبال ليش داقه عليا ؟؟ فرح ترقعها : يووه صح نسيت جوالي بالبيت اكيد فرح الغبيه تدق عليك .. مشعل ابتسم بخبث : فرح .. رد بسرعه : هلا والله هلاااااااا .. فدوه معصبه : هلا في عينك يازفت رايح وسايبني وماخذ فرح معااك هاا وربي بس ترجع لا اوريك .. مشعل مو عارف ايش تقول اشبها دي اتجننت : فرووحه لا تستهبلي فدوو معايا هنا ايش تبغي ؟ فدوه بصدمه : انا فدوه ياغبي .. مشعل : هاااااا ...؟؟! فرح فطست ضحك : هههههههههههاااي .. مشعل وقف السياره على جنب : انتي ايش تقولي دحين كيف ايش بيصير ؟ فدوه : اكيد فرووحه الحيوانه مسويه انها انا وركبت معاك وانتا غبي ماتفرق معاك عمى .. مشعل قفل الجوال بسرعه ولف على فرح ..
وفرح كشفت وجهها وفطست ضحك : ههههههههههه قلتلك حأجي يعني حأجي .. مشعل نزل من السياره معصب وفتح عليها الباب : وربي انك مصيبه دحين هذي حركه تسويها بالله .. فرح حطت رجل على رجل بعدم اهتمام .. مشعل متنرفز منها : هييييين فرووحه وربي هيييين .. قفل الباب وراح ركب قدام.. ابتسم بخبث وهوا يطالعها في المرايه : فين حابه تروحي خلصيني يلا .. فرح استغربت كانت متوقعه انو حيرجعها البيت : اممم أي مكان .. مشعل بخبث : من عييييييييووووووووني أحلى مكان لأحلى فرووحه .. @@@@@@@@@@@@@@@@@@@@@@
اما في بيت حــلآ .. فوصلوا عماتها وبناتهم .. وهيا تستنى على نار متى تلمح مرة عمها ياسر ..<< ابو فيصل خخخ هديل
((بنت عمة حلا)) : حلووله وش فيك اليوم مو معنى مرره ؟ حنان (( اخت هديل )) : ايه من جد مره سرحاانه .. الي يحبون ماصار فيهم كذا .. حلا ارتبكت : هاا هههه لا مافيني شي .. هديل : ايه مبين .. المهم قوليلي كيف دراستك وش مسويه فيها ؟ حلا : الحمد الله زينه .. حنان : كم باقيلك من سنه ؟ حلا : سنتين ان شاء الله .. حنان : تدرسين علم احياء صح ؟ حلا : يسس .. هديل : مرره مو راكب عليك امم انتي يصلحلك علم نفس زي كذا .. حلا : لا ياشيخه .. هديل :ههههههههه والله جد .. جاتهم بنت عمتهم الثانيه "غرام" الكريهه مايطيقوها ابدا : هاااي .. كلهم : هايات .. حلا تجاملها : هلا غروومه شلونك ؟ غرام تجلس بعيد عنهم بغرور : احسن منك .. حلا مره مالها خلقها دحين : دوووم يارب ولو اني شايفتك شويه مو على بعضك .. غرام باستغراب : ليه وش فيني ؟ حلا تبغه تنرفزها تعرف بنت عمتها اهم شي عندها شكلها ولبسها ومكياجها : مادري اشوف لونك اصفر وشكلك حاطه الميك اب وانتي مالك خلق مادري يعني مو بالعاده شكلك يجي كذا .. هديل تضحك في نفسها : اييييه من جد الروج مادري شلون قايل والشدو كانك حاطته بالظلام .. ميبن انك تعبانه .. غرام اتنرفزت بس مستحيل تخلي نفسها نكته : مهما سويت انا احلاكم .. حلا >> اييييه مره << .. غرام بغرور : مادريتوا .. حلا بملل : لاء مادرينا وشو ؟ غرام : ملكتي بالصيف إن شاء الله .. هديل : لاااااااا مبرووك .. حلا : عالبركه ان شاء الله .. حنان : ومين تعيس الحظ ..؟ غرام بغرور : ولد خالي فيصل ..
هديل : اماااااااااااا غرام وفيصل تحفه هههههههه حلا حست راسها ثقيل مو شايفه شي قدامها ؟؟؟ فيصل ؟؟ غرام بتتزوج فيصل ؟؟ كيف وليش وبأي حق ؟؟ معقوله بعد ماحبته وكنت له كل هالمشاعر وصارت تحلم فيه ليل ونهار ماتفكر في شي غيره من يوم ماشافته يروح منها كذا بكل سهوله .. نزلت دمعه وحيده على خدها .. بس قامت بسرعه عشان لحد يلاحظها .. طلعت تجري لغرفتها وقفلت على نفسها الباب .. رمت نفسها عالسرير وصارت تبكي .. غرام : ههههههه وش فيها الخبله اكيد غارت مني ليش جاني عريس قبلها .. حنان مره مستغربه .. ايش فيها حلا اليوم مره مو على بعضها ودحين طلعت لفوق بدون سابق انذار .. اكيد فيها شي .. اما حلا .. حست الدنيا تدور فيها .. صح مافيه شي بينها وبين فيصل ولا عمرها كلمته بس حبته من اول نظره من اول مالتقت عيونهم ببعض دخل حب عظيم لحياتها كانت متامله يصير شي كبير بينهم ويكون حب صادق وطاهر .. بس سرعان مانقتل هالحب من قبل حتى مايشوف النور .. حست انها مخنووقه ومتضايقه مو قادره توقف بكى .. بس لازم تنزل ابوها بيوصل .. بس ماتتخيل نفسها تشوف غرام مره ثانيه .. لانها تحس لو شافتها بتذبحها وبتخنقها بيدينها .. >> آآه ياربي ليه بعد ماحبيته وصار لي نور العين يختفي وياخذ معاه كل شي حلو كنت احلم فيه ..<< ..
دق جوالها بنغمة (( عن قمرهم كلهم ياضياء نورا لهم الورود انتا عطرهم كيف انتا تشمهم )) حقت راشد والي حاطتها مخصوص لجود لانها تعشق هالاغنيه وحاطه في راسها انه راشد ماغناها الا لعيونها << مررره وااثقه الاخت .
. ردت بسرعه : جووووود .. جود خافت لمن سمعت صوتها ومبين انها بتبكي : وش فيك ؟ حلا تبكي : فيصل ياجوود فييييصل .. جود : وش فيه فيصل تكلمي صارله شي ماات ؟ حلا : وش مات ؟؟.. فيصل راح مني ياجود خلاص كل الي خططناله ماعاد يفيد بشي .. جود بقلق : حلووله وش فيك ليه تقولين كذا ؟ حلا بشهقات : فيصل .... بيتزوج ... غــ....غرام .. جود بصدمه : يتزوج ؟؟ غرام ؟؟ مين ؟؟ حلا : غرام بنت عمتي توها تقول ملكتها على فيصل اخر الصيف .. خلاص ياجود فيصل راح .. جود : استغفري ربك يابنت مو انتي تقولين اخر الصيف يعني لسه ماصار شي بامكانك تغيرين كل شي بس انتي اهدي .. حلا : جود انتي كل شي ماخذته بالساهل ماتعرفين وش كثر فيصل يعنيلي .. جود : حلا .. تعاليلي اليوم ..؟ حلا : جود متضااايقه حدي .. جود : ياقلبي اسمعيني انتي الحين خليكي طبيعيه ولا تخربين فرحتك برجعة ابوك .. وبعد مايطلعون من عندكم تعاليلي وانا بعلمك كيف فيصل بيكون لك انتييييييييي وبس .. حلا حست براحه جزئيه : سووري ياجود ادري اني ضايقتك بس والله اني ا.........
جود قاطعتها : حلووله انتي وش تقولين وربي انا اسوي كذا لاني اعتبرك اختي وصديقة غاليه علي .. حلا : تسلمين لي .. جود : يلا ياعمري روحي غسلي وجهك وانزلي خليكي قويه وانسي أي شي مرتبط بفيصل الحين .. حلا : بس كيف ياجود وربي ماقدر اشوف وجهها المعفن مااقدر .. جود : هههههه ليه ماهي حلوه ؟؟ حلا : مو وقتك ياجود وربي احس اني مخنووقه .. جود تحاول تخفف عنها : خلاص حلووله لا تصيرين بزر .. انا بقفل الحين ولا طلعوا من عندك وجلستي مع ابوك شوي .. كلميني عشان اتفاهم معك يادلووعه .. حلا : طيب باي .. جود : بايات .. قفلت جود من حلا .. وقعدت تلعب بجوالها .. وتلمح رقم (( نوف )) فكرت تدق عليها ..

وفي بيت ام نـوره .. نجود تجري ونوف تسابقها : انا الي برد .. نجود معصبه : ابعدي انا برد منتظره مكالمه ..
نوف : ضفي وجهك مافيه تلفونات بعد اليوم لو اشوفك راده على أي اتصال ياويلك تفهميييين نجود حطت يدينها على وسطها : لا ياشيخه احلفي انقلعي خليني ارد .. نوف ردت بسرعه عالتلفون : الوو .. نجود تسحبه منها : هاتي يازق .. نوف تدفها بقوه : ابعدي يالخايسه .. جود مستغربه وش فيهم يتهاوشون : الوو .. نوف : ايه نعم ؟ جود : السلام عليكم .. نوف : وعليكم السلام .. جود : هذا بيت ام نوره ؟ نوف : ايه مين معي ؟ جود : انا جود .. نوف متفشله : هلا والله جود .. جود : هلا فيك شلونك ؟ نوف : بخير انتي شخبارك ؟ جود : تمام والله .. انتي نوف صح ؟
نوف : هههههه ايه .. جود : هههه كيفكم وش مسوين ؟ نوف : الحمد الله والله .. جود : هههه وش فيكم تتهاوشون ..؟ نوف : ماعليكي منها هذي اختي البقره .. جود : مين ندى ؟ نوف : لا اخر العنقود نكد معقود .. جود : هههههههه وش اسمها ؟ نوف : نجود .. جود : الله يخليها لك ..
نوف : تسلمين .. كيف دراستك ؟ جود : ماشي الحال .. نوف : الاختبارات قربت عاد شدي حيلك .. جود : الله يعين .. نوف : شلونها حلا اسمها صح .. جود : ايه حلا .. الحمد الله تمام .. نوف : سلميلي عليها .. جود : الله يسلمك هي اليوم بتجي عندي وش رايك تجين ؟ نوف باستغراب : انا اجي ؟ جود : لا جدك .. ايه انتي .. نوف : ههههههه مادري والله .. جود : وش الي ماتدرين لازم تجين فاااهمه .. نوف : هههه اشوف امي اول مادري .. جود : خلاص انتظرك .. نوف : ان شاء الله .. جود : يلا حبيبتي مع السلامه .. نوف : مع السلامه .. قفلت منها وراحت تقول لأمها .. ام نوره : والله يابنتي انا ارتحتلهم حتى البنت ياحليلها .. نوف : يعني موافقه .. ام نوره : ايه روحي انبسطي .. نوف تبوس راس امها بقووه : يخلييييييييييك لي يارب .. @@@@@@@@@@@@@@@@@@@@@
وفي المملــكه ..
فرح : والله مره اتغيرت عن السنه الي راحت فتحو محلات جديده .. مشعل مسك يدها وماشي شكله ناوي على نيه .. فرح سحبت يدها بقوه : وجععع مشعلووه ترى محنا بالبيت احنا ..
مشعل : عادي ياقلبي زوجتي .. فرح حطت يدها على خصرها : اشوفك صدقت اني زوجتك اقلب وجهك .. مشعل رفع حاجبه : من قلبك .. فرح : ايوا ومن كبدي كمان خلاص فارق ابغه اتمشى لحالي .. مشعل بكل رحابة صدر وخبث : تيب ياعسل بروح شويه وراجع .. فرح : لا لاترجع فارق بس .. مشعل راح عنها وهوا مبسووط من الي حيسويه .. طلع برى ركب سيارته وشغلها ومشى .. وفرح جوه مو داريه عن الي سواه مشعل .. دقت على فدوه تبغه تتشمت : هلا والله باختي حبيبتي فدوووشه .. فدوه بدون نفس : خير
فرح : خير بوجهك .. فدوه : ايش تبغي ؟
فرح : ههههه هاا لا بس كنت ابغه اسالك اذا تبغي شي من برى .. فدوه بقهر : مابغه ولا زفت اتمشي وانبسطي .. فرح : ههههه اكيد مايحتاج توصيني .. فدوه قفلت في وجهها وهيا مقهوووره منها .. دارت في السوق الين داخت وماخلت شي الا واشترته وهيا مو محتاجه بس المهم انها تشتري .. حست انها طفشانه راحت جلست بستار بكس .. وتستنى مشعل اشبو اتأخر عليها ولا دق ولا شيء .. دقت عليه .. مايرد ............ دقت 5 مرات والاخ معطيها قب ولا يرد مطنننننش .. اتنرفزت منو .. دقت على اختها : فدووشه .. فدوه بخبث : خير .. فرح : اقلك جربي دقي على مشيييعل مادري اشبو مايرد .. فدوه كاتمه ضحكتها : مشعل هنا معايا انتي فينك ؟
فرح بصدمه : كيييف ؟؟ فدوه : احنا في تشيلز نتغدى انتي فينك ؟ فرح لسه متفاجاه : بلا استهبال دقي عليه بسرعه قوليلو اني خلصت وقاعده استناه .. فدوه : هههههه والله معايا في تشيلز اشبك انتي ..؟؟ منتي مصدقه خدي كلميه ... مشعل : اهلا اهلا ببنت خالتي وزوجتي وحبيبتي .. فرح معصبه : حبك برص ان شاء الله فينك كيف تخليني لحالي في السوق وتطلع ماعندك مروه ماتخاف على بنت خالتك .. مشعل: اووه صح نسيت دحين بس اخلص غدايا واجي اخدك سووري ياقلبي .. فرح : حسبي الله ونعم الوكيل انا اوريك يامشعل يعني تلعب عالحبلين هين هين يلا باي ولا تجيني مابغه اشوف طختك .. قفلت في وجههو وهيا معصبه ... @@@@@@@@@@@@@@@@@
بالنسبه لــ بيت " ابو سالم " في جــده .. في غرفــة ميـآر .
. ميار : لو سمحت انتا ليك كم يوم بتدق ممكن اعرف ايش تبغه ؟ .........: والله بس ابغه اتطمن عليكي وغير كذا مابغه .. ميار : طيب مين انتا ..؟ ايش اسمك ؟؟ ...........: انا رآإح اقولك اسمي بس عشان اسمعو من لسانك الحلوو ..اسمي أمجــــــــد .. ميار باستغراب : امجد ؟؟!؟! امجد : حيــآة امجد وقلبه .. ميار مره مستغربه مين هذا وايش يبغه صارله كم يوم يدق عليها وهيا ماتعرف مين هوا : لو سمحت ممكن ماعاد تدق مره تانيه لاني مو متعوده اكلم شباب .. امجد بحزن مصطنع : ولا انا ؟؟ ميار : انتا مين اصلا .. منتا راضي تقلي .. امجد : قلتلك انا واحد يحبك يمووت فيكي بس انتي مو مصدقتني ايش تبغيني اسوي يعني احلفلك بايش عشان تصدقي .. ميار وجهها حمر ودقات قلبها اتسآآرعت : مع السلامه .. امجد : دقيقه .. ميار : نعم .. امجد : اهون عليكي كل مره تسوي كذا وتقفلي بوجهي .. ميار : انا ماعرفك ومستحيل اكلم واحد ماعرفو او ابني معاه أي نوع من العلاقه انا اســفه .. باي .. سكرت الخط .. وامجد من الجهه التانيه رمى الجوال عالسرير ويلعب في دقنه >> هيـــن كلكم نفس البدايه بس صدقيني بجيب راسك << دخل عليها سامي : هلا ميووووري ميار: اهلين سمووي سامي : كيفك ؟ ميار : بخير ..
سامي : منتي طفشانه مانفسك تغيري جو ؟ ميار تتنهد : الا والله احس اني طقيت .. سامي : خلاص اجل غيري ملابسك وانزليلي تحت ميار بفرحه : بنطلع ؟ سامي : هههه ايوا اشبك اول مره اطلعك يعني ؟ ميار : لاء مو اول مره بس من زمان ماخرجنا سوى .. سامي : طيب يلا مابغه اتأخر .. ميار : طيب ومهوويه بتجي ؟ سامي : أيـوا .. ميار : ونااسه طيب دقيقتين ونازله .. سامي وهوا طالع : لا تتاخري .
. @@@@@@@@@@@@@@@@@@
عالساعه 7 الليل .. في الريــآإض .. نوف : يلا ياماما انا طالعه .. ام نوره من بعيد : الله معك حبيبتي لا تتاخرين .. نوف : إن شاء الله .. طلعت نوف واخذتلها تاكسي وبعد ماضيعت الطريق 4 مرات وصلت اخيرا للعنوان الصح .. بيت جــود .. تننن تن تننننن << الجرسـ .. فتحتلها الخادمه ..ودخلت جلستها في الحديقه .. طلعت الخادمه تنادي جود .. طقق طق طق << باب الغرفه .. جود : مييين ؟ الخادمه : اناا ماما جود جود فتحتلها الباب : وش تبين ؟ الخادمه : هادا فيه ضيوف تحت واحد بنت .. جود : اكيد نوووفه .. حلا : مين نوفه ؟ جود : ياهبله الي بالفيصليه ذاك اليوم الي حكيتك عنها .. حلا : اهاااااا .. جود : يلا ننزل .. حلا ابتسمت بحزن ونزلت معاها .. سلموا البنات على بعض وجلسوا يتكلموا ويضحكوا للساعه 12 الليل .. وحلا على قد ماكانت تضحك الا انها تبكي من جوه .. ماهي مصدقه انه غرام المغروره الشينه بتاخذ فيصل الي هي حبته من اول نظره .. نوف : حلا.. حلا : ......... جود تدقها : حلووله وينك ..؟ حلا : هااا معاكم .. نوف : ايه مرره .. ودي اسالك من الصبح وش فيك مو انتي الي بالفيصليه ذاك اليوم فيكي شي لا سمح الله .. حلا ابتسمت بحزن : لا سلامتك بس تعبانه شويه .. نوف : سلامات حلا : الله يسلمك ..
(( ليت ربي ماكتب لحظة وداع ولا فراق ولا دموع ولا ضياع )) >> جوال حلا ..
حلا ردت بهدووء : هلا نواف .. نواف : هلا حلووله ها خلصتي اجيك ؟
جود بصوت واطي: اذا اخوك قوليله بعد ماخلصنا .. نواف سمعها وابتسم : مين هذي الي جنبك ؟ حلا : هههههههه دامك سمعتها .. وش رايك ؟ نواف : الساعه بتصير 1 ..
حلا : معليه نواف خليني بعد شوي .. نواف : لاء مافيه بجيك الحين ربع ساعه وانا عندكم اوكي .. حلا باحباط : اوكي .. جود : وش الي اوكي لا مافيييييه مره بدري .. سحبت منها الجوال : الوو نواف ابتسم لمن سمع صوتها : هلا جود انحرجت : ههههه اول شي السلام .. نواف : وعليكم السلام .. جود : شلونك ؟ نواف : تمام .. جود : انت نواف اكيد ؟ نواف : يب.. جود : طيب بليييييييز نواف خليها شوي مره بدري .. نواف : لاء معليه مره ثانيه .. جود : يعني الحين مره خايف عليها من زينها .. حلا تضربها على كتفها : كذا هاااا طيب يالخايسه .. نواف : هههههه دامها شينه وش تبين فيها رجعيلي اختي .. جود تبوس حلا : لا والله بعد قلبي والله انها تخببببل بس خليها شووووووووي .. نواف بجديه : ربع ساعه وبكون عند البيت .. جود رفعت حاجبها : مصر يعني ؟ نواف باستغراب : ايه .. جود : طيب انزين بنشوف انا ولا انت .. نواف اتفاجا : وش تحدي هو ؟
جود بدلع : نوووااااااف .. نواف دق قلبه بقووه من دلعها وارتبك : .........
جود تتريق على صوت حلا : نووفاااا نواف ابتسم ودقات قلبه مسموعه : هلا جود بدلع ونعوومه : عشــآآآن خاطري .. او صح يمكن مالي خاطر عندك عشــآآن خاطر حلا بليــز ساعه بعد .. نواف يحس انه بدأ يعرق والكلام مو راضي يطلع من لسانه .. دلعها نساه نفسه وكل من حوله .. جود باستغراب : نوااااف....... نواف حس على نفسه : هلا جود ..
جود >> ياويل حالك ياجود هذا نواف ونطق اسمك ياويلي ياويلي << ..: اا... الـ ...ابـ ..... يووه مو راضيه تطلع .. نواف ابتسم من قلبه : خلاص لا تقولين شي مابجي الحين ..
بعد ساعه بالضبط بكون واقف عند الباب .. جود : امم طيب وماتبي تدخل تجلس معنا شوي .. نواف استغرب من جرائتها هذي من جدها : كيــف ؟؟
جود : ايه مافيها شي .. لا تخاف بتنقب (( تدق بالكلام )) خخخخخخخ
نواف : هههههه يلا بس قبل لا اغير رأيي .. جود : لا لا خلاص باي .. نواف : ههههههه باي ..
حلا : الله يرجك ياهبله وش قالك ؟ جود بغرور من الي سوته : يقول بعد ساعه بيجي .. حلا : امووت واعرف شلون تقنعين نواف هذا لو تترجينه من اليوم لمية سنه مايغير الي براسه ياحليلك والله فديتك انا .. نوف بملل : الله يالمصلحه .. جود + حلا : هههههههههههه نوف : هههههههه @@@@@@@@@@@@@@@@@@@
_-_-_ يــوم الخميـس .._-_-_
جود بغرفتها جالسه عالسرير والكتب والدفاتر حولها .. تحاول تدرس وتركز .. بس مشكلتها ماتتحمس ولا تحس بدافع يخليها تجتهد يعني لو تسقط عادي ماعليها .. قفلت كتاب الادب بقوه وبطفش ورمت نفسها على ورى .. بعد ماحاست بافكارها فكرت تطلع تتمشى ولو لحالها المهم انها تطلع تحس انها مخنوقه بالبيت
.. @@@@@@@@@@@@@@@@@
في بيت أم مشــعل .. فرح مقهوره من مشعل الين دحين من امس ماكلمته ولا اعطته وجه .. الحركه الي سواها بايخه ومالها داعي .. طقق طق طق << باب غرفة البنات .
. فرح قفلت الكتاب الي في يدها : ادخل دخل بخطوات بطيئه وهادئه .. ابتسم بهدوء : صباح الخير .. فرح لمن شافتو تاففت ولبست نظارتها ورجعت فتحت الكتاب .. راح مشعل وجلس جنبها عالسرير : فرووحه .. فرح : .............. مشعل : يابنت بلا هبل خلاص .. فرح : ............. مشعل سحب منها الكتاب ورماه بعيد : اكلمك .. فرح : وجع ليه الحركات التافهه هادي .. مابغه اكلمك بالعافيه هوا وبعدين اطلع بزاكر مو كفايه ماخذه اجازه اسبوع اطلع برى .. مشعل : ياربييييه دحين من الدفره الي مقطعه بعضها .. فرح : مالك شغل اخررررررج قلت .. مشعل وقف : طيب براحتك ياهبله .. طلع وخلاها متنرفزه منه .. قامت اخذت الكتاب ورجعت تذاكر .. @@@@@@@@@@@@@@@@
في مــكآآإن ثاني .. وعـآإلم ثاني بالمــره .. شغل الشاب شاشة الكمبيوتر وفي يده علبة البيبسي ومبســوط ومرووق عـ الآخر وهوا يشوفها بكل رقه ونعومه جالسه عالسرير ومتممله وتغني بطفش .. قعد يراقبها ويتأملها ويقرب الصوره ويرجع يبعدها .. ويتفنن في أخذ الصور .. ومكيــــف عليها .. يحس انه بيتفرج على فيلم امريكي .. كل شي فيها حلوو .. دلعها كلامها رجتها عصبيتها عيونها لبسها شكلها شعرها مشيتها ... يعني هوا قاعد يشوفها ومبسووط عالاخر .. ^^ الله يســـــتر ^^ ؟؟!؟؟ ...
@@@@@@@@@@@@@@@@

طلعت فرح من غرفتها .. البيت فاضي لسه الناس ماصحيت .
. غريبه الساعه بتصير 11 الظهر والكل ناايم .. نزلت للبدروم " القبــو" وفكرت تسبح .. لبست ملابس السباحه .. ولفت المنشفه حول جسمها .. وقعدت على طرف المسبح ونزلت رجولها في المويه الي كانت قريبه للتجمد .. وفجأه تسمع صوت خطوات خفيفه وبطيئه من وراها .. تحس بأنفاس شخص قريبه منها وتصقع في ظهرها .. انتظرت شويه .. وارتعش جسمها من لمسة هذا الشخص .. حاط يده على كتفها بهدووء .. وحاول يقرب منها .. فرح قاعده متشنجه مو عارفه تلف .. مو معقول يكون مشعل ..؟!؟! مستحيل مشعل يكون وقح كذا .. مين فيه بالبيت غير مشعل وفراس ..؟!؟ لفت وجهها بسرعه .. وتنصدم بزوج خالتها .. قاعد وراها ويطالعها بنظرات اعجاب ولهفه .. فرح حاولت تبعده .. بس هوا مسكها من كتفها بقوه وحاول يقرب منها .. نطت في المسبح بسررعه : ايش تبغه مني ؟؟ ابو مشعل وقف يطالعها بنظرات مخيفه ويبتسم بخبث ........ فرح دقات قلبها زادت .. هذا ايش يبغه وهيا دحين لحالها محد داري عنها .. مستحيل احد بيتوقع انها في البدروم وبتسبح .. صارت تسبح بسرعه الين وصلت للطرف الثاني من المسبح .. طلعت وحاولت تجري وتطلع من الباب الزجاجي .. بس يده كانت اسرع منها .. فرح عضته بقووه على يده القذره الي محايطتها .. ابو مشعل تاذى وشال يده بسرعه : يامجنــــووونه .. فرح دفته باقوى ما عندها عالمسبح قبل لا يحاول يمسكها مره ثانيه .. وصارت تجري الين وصلت للباب ..... بس ............... الباب كان مسكـــر .. حست برجفه وخوف .. عسى يسويلها شي كيف بتطلع من هالورطه .. صارت تخبط عالباب بقووه .. تبغه أي احد يسمعها او يحس فيها .. بس لا حيــــــــــآإإة لمن تنادي الكـل نايم باستثناء مشعل الي طلع لشغله .. قرب من عندها والابتسامه شاقه حلقه .. قرب اكثر واكثر الين لصقها بالجدار .. فرح بخوف : ابعد عني .. ابو مشعل : ههه هههههه ههههههههه ههههه فرح تصرخ : بعد عني اتركنننننننيييييييي .. ابو مشعل دخل يده بين خصل شعرها المبلبل ويطالع فيه باعجاب كانه عمره ماشاف شعر .. فرح ترتجف من الخوف وزياده على كذا من البرد .. دفته بقووه ودعست على رجله حاولت تفلت منه بس هوا كان زي الثور الهايج ماخلالها فرصه تفلت من يدينه ..

. ايش ممكن يصير بين جود نواف ؟؟ حلا كيف بتتصرف في الموقف الي هيا فيه ؟؟
وفرح ايش بيصير لها وهل حتقدر تفلت من ابو مشعل أو .....؟!؟!
؟ وايش قصة الشاب إلي بيراقب البنت .؟؟ ومين ممكن تكون هالبنت إلي اتدخل لحياتها عن طريق الكاميرا ومراقبها ليل ونهار..؟؟!؟ ونجـود ايش بيصير معاها ؟؟

بليــــز لا تبخــلوا عليـآإ بآرآأئكــم وتوقعــآإتكم .. وإن شـآإء الله البـآإرت أعجبــــكم

::":: .. الجزء الخــآمس ::":: ..

في بـــيت .. جـود ..
جود وقفت قدام دولاب الملابس وصارت تنكش وتطلع بلوزه ماتعجبها ترميها عالسرير .. وتشوف هالبنطلون شكله مو قد كذا .. ترميه عالارض .. وتطلع هذا وهذا وهذاك الين الارض اتغطت بالملابس ..
واخيرا لقيت الي تبغاه .. بنطلون برموودا مرره عايدي .. وتي شيرت ابيض عليه شفايف و بوسـآت بالفوشي ..
اخذت شنطتها البيضاء الكبيره ولبست كعب ابيض .. وحطت مناكير فوشي واتمكيجت مكياج بينك خفيف مرره ناعم ومناسب عيونها الصغيره ..

نزلت لعند امها شافتها قاعده تفطر بروقاان ..
جود سحبت الكرسي وجلست : صبااح الخير ..
ام جود : صبااح النور ..
جود : كيفك يمه ؟؟
ام جود : بخير الحمد الله .. على وين اشوفك لابسه ومتشيكه ؟
جود : ماما ودي اطلع للسوق اغير جو ..
ام جود : هااو الحين ؟
جود : لاء مو الحين بعد صلاة الظهر فيه كم شغله ابي اشتريها ..
ام جود : انتي والاسواق في زحمه .. بتروحين لحالك ولا مع صديقاتك ؟
جود : لاء لحالي ..
ام جود : انتبهي على نفسك ..
جود : من عيووني يااحلى جوواااهر بالدنيا ..
ام جود : ههههههه

فطرت مع امها وعالساعه 2 الظهر طلعت من البيت ..

وصلت للفيصليه << سوقــها المفضل ..
قعدت تدور وتلفلف عالمحلات ماشترت شي تحس بطفش ومالها خلق شي .. طلعت لآخر دور تحس انها شبعانه ماتبغه تاكل ..
طلعت جوالها ودقت على حلا ............... ماترد .. اكيد متضايقه من سالفة فيصل ..
بس غريبه .. دقت مره مرتين ثلاثه اربعه محد يرد ..
قررت تدق عالبيت ..

وفي بيت حــلآآآ ..
التلفـون يرن ومحد حوله ..
فرك عينه بكسل وصلح جلسته عالكنبه وصار يتمغط ويمد اياديه ويطق رقبته .. وقف بتعب وصار يمشي بخطوات متعرجه ودايخه .. واخيــرا وصل للتلفون ..
رد بكسل : الووو
جود : الوو السلام عليكم ..
نواف لسه مو مستوعب : هااا نعم ..؟
جود تضحك : ههههه مين معي ؟
نواف يتثاوب : انتي مين ؟
جود : نواف ..؟!؟!
نواف صحى شويه : ايه مين انتي ؟
جود : هههههههه صح النوم ..
نواف ميزها من ضحكتها .. حس الدنيا احلوت وهوا يسمع صوتها جلس عالكنبه : صح بدنك ..
جود : كيفك ؟
نواف : تمــآآم انتي شلونك ؟
جود : انا زينه ..
نواف يستهبل عالصبح : وانا نحول خخخخخ
جود : ههههههه تعرف تنكت ..
نواف ابتسم وقال بخبث : تسلملي الضحكه ..
جود انحرجت : حـ.... حلا موجوده ..
نواف : اممم على ماأظن انها نايمه ..
جود باستغراب : نايمه ؟؟!؟ للحيــن ؟؟
نواف : يب .. جربتي تدقين على جوالها ..
جود : ايه دقيت الين قلت امين .. خفت عليها قلت اشوف يمكن فيها شي ..
نواف : هههه لا لا تخافين بس شكلها سكرانه نوم ..
جود : طيب اسفه عـ الازعاج شكلك انت بعد كنت نايم ..
نواف : لا عادي دقي كل يوم ..
جود بخجل ودلع : يعني ماتتضايق ..
نواف زادت دقات قلبه : لـ لا .. لــ..... لاء .. بس عاد مو تصدقين نفسك وكل دقيقتين وانتي داقه ..
جود : ههههههه طيب ......... تامرني بشي ..
نواف ابتسم بخبث : أيــه ..
جود باستغراب : ايش ؟
نواف : انتبهي على نفسك
جود وجهها صار احمر من الخجل .. قالت بصوت اقرب للهمس : تيب باي ..
نواف ابتسم على خجلها : الله معاك ..

قفلت منه وهيا تحس بشي غريب واحساس قوي طغى على كل الاحاسيس الثانيه احساس دخل واتعمق بقلبها ..

دخلــت لمحل الجوالات (( اكسيــوم تلكــوم)) وهيا ناسيه هرجة مشعل والي صار قبل اسبوع .. دخلت تبغه ميموري كارد لجوالها ..
شافت مشعل حست الدم اتجمع براسها .. كمان له وجه يقرب منها لااا ويبتسم .. طنشته ولا عبرته ماكانه موجود ..
شافت واحد ثاني واقف بعيد راحت لعنده وتركت مشعل : لو سمححت ..
الموظف ياشر لمشعل : مشعل تعال شوف الزبونه انا مشغول شوي ..
جود : انا كلمتك انت على ماأظن ..
الموظف : اسف يااختي بس الاخ مشعل فاضي انا شوي مشغول ..
جود رفعت حاجبها : اعتقد انه هذا شغلك ولا تاخذ راتبك بلووشي كذا ..
الموظف استغرب من طريقتها في الكلام وش فيها ذي : لو سمحتي يااختي يريت تتكلمي بطريقه احسن من كذا .. انا مو مقصر في شغلي بس الحين مشغول ..
جود تطالع في مشعل بنص عين : طيب ومافي موظفين هنا غيركم انتو الاثنين ؟
الموظف : فيه بس ماهم موجودين الحين .. ليه يااختي في أي مشكله ..
جود : لاء شكرا ..
طلعت من المحل بدون ماتعبر مشعل الي يلاحقها بنظراته ..

أمــآ في بيت حــلآ ..
نواف قاعد يلعب في التلفون ويضغط عالازارير يدور بين الارقام .. الين لقى رقم جـود ..الي اتصلت قبل شويه ..
انبسط والابتسامه شقت حلقه .. سجل الرقم في جواله بإسم (( دلــوعتي )) ..ورجع يكمل نومه ..

@@@@@@@@@@@@@@@@@@@@@

بحركـه سريعه منها وبخفه قدرت انها تطيحه في المسبح مره ثانيه وتطلع من الباب الزجاجي والي موصل فيه سلم لداخل البيت صارت تجري بخوف وطلعت السلم .. دخلت للبيت وقفلت الباب بالمفتاح ..
راحت تجري لغرفتها بدون مايشوفها احد ورمت نفسها عالسرير ودموعها متحجره بعينها .. : حسبي الله عليك حسبي الله عليك ....
صارت تاخذ نفس وتحمد ربها انه ماقدر يسوي الي في باله وقدرت تفلت منه ..

دخلت عليها فجر وشافتها بالمايوه والمنشفه جالسه عالسرير وشكلها مو طبيعي ترتجف ووجهها اصفــر وتناهج ..
فجر راحت تجري لعندها : فرووحه اشبك ليه شكلك كدا ؟
فرح تبكي : مافيا حاجه ..
فجر تحط يدها على جبين فرح : ليه حرارتك مرتفعه وقاعده كدا قومي البسي شوفي شكلك كيف تنتفضي ؟؟
فرح رمت نفسها في حضن فجر وكملت تبكي ..........
فجر خافت : حبيبتي فرح اشبك ياقلبي ليه تبكي وتناهجي كدا ؟
فرح تشهق من البكى : فجــ...ررر........عــ....مي ... ما....مـ..ـآجد .. يـــ ......
فجر ضمتها بقووه : بس خلاااااص لا تقولي شي قومي معايا قومي البسي ..
فرح تقوي قبضتها على بلوزة فجر : ابغه مااما ..
فجر : فرح ياعمري انتي عارفه ماما دحين كيف حالتها .. قومي قومي معايا ..
قامت فرح مع فجر وساعدتها تلبس ملابسها ونومتها عالسرير وصارت تقرأ عليها الين نامت وغطتها بالبطانيه وطفت عليها اللمبات وطلعت وهيا مستغربه اشبها فرح ايش الي صار فيها بالضبط خلاها تناهج وتنفسها يصير سريع كذا وترتجف ومو قادره تتكلم ..؟؟؟؟

طلعت وقفلت الباب .. قابلت ملاك في طريقها ..
ملاك : هاايو فجووره ..
فجر : هلا ملووكه
ملاك باستغراب : اشبك يابت ؟
فجر : هاا لا مافيا شي بس طفشاانه ..
ملاك : اهاا طيب اسمعي انا بطلع اتشمس تجي معايا..
فجر :هههههه لاء ..
ملاك : تعالي بس اقعدي ..
فجر : ههه طيب ..
طلعوا للحوش وملاك بالشورت الابيض الاستريتش والبادي الضيق الي ماله ظهر وصدره مرره مفتوح عشان يبان البرونزاج مضبوط ..

@@@@@@@@@@@@@@@@@@@@@

في جــدهـ ..

في بيت ابــو سالم ..
ام سالم وبناتها جالسين يتغدوا ..
مها : مامي فين بابا ماجاه ؟
ام سالم : محايتغدى معانا اليوم ..
سامي : ليه فينو ؟
ام سالم بحقد : عندو شغل في الشركه عارف عيال الي ماتتسمى اميره يبغوا يفكو الشراكه ..
سامي بصدمه : يفكوا الشراكه ؟؟
ام سالم : ايوا واحسن فكه منهم ومن وجيههم الله يخسفبهم الارض ..
ميار بقهر: ماااما ..
ام سالم : خير اشبك ؟
ميار : حرام تدعي عليهم كم مره اقلكم انهم مالهم شغل ليه الحقد ..
سامي طنش كلام ميار لانو لو رد عليها بتصير مشكله : ياأمي عارفه انو لهم نص الاسهم الي بالشركه واكثر من النص كمان ..
ام سالم : ليه ان شاء الله اكثر من النص ..
سامي : ياامي انتي عارفه انو الشركه اتبنت على يد عمي حمد يعني اكيد بيكون لهم النصيب الاكبر من راس المال ..
ام سالم : خليهم ياخدوها في حريقه مايتهنوا فيها يارب ..
سامي بعصبيه : انتي عارفه لو اخذوا نصيبهم وطلعوا من الشركه مين الي بيخسر ؟؟ محد خسران غيرنا .. هما ماعليهم احنا الي بنخسر ثلاثه ارباع الاسهم وبتنهد الشركه على روسنا ..
ام سالم بصدمه : انتا ايش تقول ..؟
سامي : ايوا ايش على بالك يبغالنا 20 سنه كمان عشان نرجع نوصل للمستوى الي الشركه فيه دحين .. ولا كان فكينا الشراكه من زمان اشبنا ميتين عليهم احنا ..
ام سالم بقهر : طيب وايش حتسوي انتا وابوك دحين ..
سامي يوقف : مادري والله مادري ..
ام سالم : لسه ماأكلت شي
سامي : الحمد الله شبعت ..
ام سالم : فين رايح ؟
سامي : طالع للشركه بشوف ايش بيصير ..
ميار دق جوالها بنغمه عاليه ومزعجه شافت الرقم وارتبكت ..
ميار : عن اذنكم ..
ام سالم : مين المتخلف الي يدق دا الوقت ..
ميار بارتباك: هادي صاحبتي تبغاني في موضوع مهم ..
ام سالم : طيب وحاولي تصرفيها وتعالي كملي اكلك شوفي شكلك كيف نحفانه ..
ميار : ان شاء الله ..

دخلت لغرفتها وردت بهدووء : الوو ..
الجهه الثانيه : ياهلا والله بهالصوت ..
ميار : ...............
الجهه الثانيه : ميـآر ..
ميار بصدمه : كيف عرفت اسمي ..
أمجد : ميووري يابعد قلبي كم مره اقلك اني اعرفك يعني مستحيل احبك كدا من الهوى..
ميار : طيب محاتقلي من فين تعرفني ؟
امجد : اسف ياعمري دحين ماقدر بس صدقيني حتعرفي .. وقريب ان شاء الله ..
ميار : ...............
امجد : كيف حالك ؟
ميار : الحمد الله ....................... انتا كيفك ؟
امجد انبسط بدأت تاخذ عليه وتعطيه وجه : دووم يالغلا .. انا بخير دام اني سامع صوتك ..
ميار : تسلم ..
امجد : يسلم قلبك .. كيف جامعتك ؟
ميار : تمام ..
امجد : انتي ايش تدرسي ؟
ميار : ادارة اعمال ..
امجد : بالتوفيق ياقلبي ..
ميار تحس بقشعريره من كلامه الحلو اول مره تكلم واحد وتعطيه وجه بس امجد باسلوبه واهتمامه جذبها : تسلم ..
امجد : طيب ياعمري توصيني شي ..
ميار مستغربه ليه يدق عليها شويه ويقفل قالت بدون ماتنتبه لكلامها ..طلعت من قلبها : بدري ..
امجد ابتسم بخبث :من عمرك بس حبيت اتطمن عليكي مابغه اعطلك..
ميار ابتسمت وقلبها من جوه بيطير من كثر مايدق : ..........
امجد : يلا مع السلامه حياتي ..
ميار : باي ..

قفلت منو وهيا مبسووطه .. المسكينه صدقت انه يحبها .. دخلت تاخذ شاور ..

@@@@@@@@@@@@@@@@@

في الريـآإض ..

فرح قامت من النوم مفجووعه من الكابوس الي شافته .. قامت لقيت نفسها نايمه عالسرير ومتغطيه .. كل شي صار قبل ساعات رجع لبالها حست برجفه في كل جسمها ودموعها متجمعه في عينها .. مسكت كتفها بقووه ونزلت البلوزه تشوف اثار يده النجسه الكبيره الي كانت تمسكها وتشدها بدون رحمه ..

طقق طق طقق << باب الغرفه ..
فرح بصوت مرتجف وخايف : مييييين ؟
مشعل : اناا زوجك خخخخ ..
فرح بخوف : ايش تبغه ؟
مشعل خاف لمن سمع صوتها اول مره يحس انو فرح ضعيفه او خايفه زي كذا .. فتح الباب ودخل ..
فرح طالعت فيه ونزلت راسها .. مو قادره تطالع في وجهه يشبه ابووه كثير .. يشبه ابوه النجس القذر الي اتحرش فيها وحاول يعتدي عليها وماحترم لا زوجته المريضه ولا عياله ..
مشعل عوره قلبه على شكلها جلس جنبها عالسرير : فرح اشبك ؟
فرح منزله راسها وترتجف بقوه ملحووظه : ..............
مشعل زاد قلقه رفع صوته : فرح اشبك اقوول ؟
فرح حطت يدينها على فمها وصارت تبكي : ...........
مشعل انصدم فرح تبكي ؟؟ ..
قرب منها ومسك يدها بقوه : اشبك ياعمري ليه تبكي ؟
فرح : ..............
مشعل سحبها لصدره بقوه : فرح ايش فيكي قوليلي انا مشعل انا اخووكي قولي ؟
فرح مسكت في ثوبه بقووه : خاااايفه ..
مشعل يمسد على شعرها : تخافي وانا معاكي تخافي وانتي ببيت خالتك من ايش خايفه فرووحه ؟؟
فرح دخلت راسها بقوه في صدره وزاد بكاها : .............
مشعل محتار مو عارف اشبها ...؟؟!؟!؟ ضمها بقوه لصدره عشان يوقف رجفتها ..

وفجأه انفتح الباب .. ودخل فراس ..
وقف مصدوم ..؟!؟؟!
مشعل وفرح ؟؟ ايش يســووا ؟؟ مشعل حاضن فرح ؟؟
كيف كذا ؟؟ مااصدق ..؟ كيف مشعل يسوي كذا وهيا كيف ترضى على نفسها ؟؟ ايش سوى فيها كمان غير هالحضن ؟؟
معقوله يامشعل خنت ثقتي فيك ؟ وانتي يافرح فرطتي في الثقه الي مديكي هيا ؟؟ معقوله كنتـو تستنوا الفرصه عشان تجلسـوا سوى ؟؟
عشان تتقابلوا هنا ؟؟ وفين في غرفة النوم ؟؟ وعالسرير ؟؟؟
استغفر الله استغفر الله ايش هذي الافكار ..؟؟ مشعل وفرح .. طول عمرهم اخوان واكثر من اخوان ؟
ايش بيسووا دحيـــــــــــن ؟؟!!؟

مشعل انتبه بفراس .. بعد فرح عنه بهدووء ..ووقف ..
قرب من فراس وكان بيتكلم بس ...........
قاطعه كف قوي .. كف لوح رقبته .. كف من ولد خالته واخوه وصديقه ؟؟ كف من فــراس .. ليه وباي حق .. ايش الي بيخلي فراس ولاول مره في حياتو يمد يده عليه ؟؟؟؟؟؟؟
فراس بعصبيه : هذي اخرة ثقتي فيك ياولد خالتي ؟؟
مشعل واقف منصدم مو مصدق الي بيصير حقيقه ولا حلم .. فراس مد يده عليه وايش بيقول أي ثقه واي خرابيط ..
فراس قرب من فرح الي كانت بتبكي وسحبها من شعرها : هادي الثقه يافرح كدا نهآآيتها مع مشــعل ؟؟ مشعل الي طول وقتي احسبكم اخوان ليييييييه ؟؟ قولولي ليه ليييييييه ؟؟؟
فرح مو فاهمه ايش بيصير تبكي وتحاول تبعد يده عن شعرها : فراس ايش بتقول انتا اااي سبيني فراس يووجع ..
ساب شعرها بقوه ورجع طالع في مشعل الي واقف منصدم من كلام ولد خالته : طحت من عيــني اعتبرتك اخو وحسبتك تخاف على خواتي وسمعتهم زي ماتخاف على خواتك بـــس للأسف ..
مشعل منصدم : فراس انتا ايش تقول ؟؟ لا تقلي على بالك اني ......؟؟ فراس انتا اتجننت فرح زي اختي وانتا عارف عمري مافكرت فيها ولا في خواتها الا زي اخواتي حاطهم بعيوني واخاف عليهم من نسمة الهوى ....
فراس : ايوا بااااااااااين ماكأني شايفكم بعيوني .. ماأقول الا حسبي الله ونعم الوكيـــــل ..
مشعل : فراس انتا انضربت في مخك ولا ايش ؟؟ انا جيت ولقيتها تبكي قلت اواسيها ؟؟ معقوله تفكر فيا كدا ؟؟؟
فرح تبكي وتشهق : والله ... ما ...... بينا شي .. مشعــ..ــل اخويا بس ............. ا....
فراس بعصبيه اعطاها كف : بس انكتمي ليكي وجه تهرجي .. كدا يافرح ياعاقله يافاهمه .. كدا تسوي تخوني ثقتي فيكي .. ليييييييه ؟؟
مشعل بصوت عالي : فراس مني مصدق انك تفكر كدا .. طول هالسنين والعشره الي بيننا وتعاملي معاكم ومع فرح بالذات لسه تشك لاااا ودحين تتهمني اني ماأخاف على شرفها ؟؟؟
فراس يتعوذ من الشيطان ويهدي نفسه : طيب ممكن افهم ايش الي بيصير ..
فرح إغمى عليها ..
مشعل وفراس راحوا يجروا لعندها ..
مشعل يشيلها : فرح فررررررح
فراس : جيبها بسرعه بروح اشغل السياره ..
مشعل شالها وهوا ميت خوف عليها مو عارف حالتها من الصباح مو مضبوطه ..

راحوا للمستشفى ..
فراس واقف في السيب ويفرك يدينه بقهر : هدولا اشبهم إتآخرو ايش يسوي قد كدا جوه ..
مشعل رايح جي في السيب مو قادر يقعد : الله يستر ..
طلع الدكتور من الغرفه ..
فراس راح لعنده بارتباك : هاا يادكتور اختي اشبها ؟
الدكتور بابتسامه هاديه : حمد الله على سلامتها .. مجرد اغماء بسيط يمكن بسبب صدمه وضغوط نفسيه ..
مشعل بتفاجأ: صدمه ..
الدكتور بهدووء : مين فيكم اخوها ؟؟
مشعل + فراس : انا ..
مشعل ارتبك : اقصد هوا ..
الدكتور : طيب ياخوي اتفضل معي ..
دخل فراس مع الدكتور وهوا مستغرب ..
جلس عالكرسي : ايش فيه يادكتور قلقتني ..
الدكتور يلبس نظارته ويشبك يدينه في بعض : لا تقلق ولا شي بس أنا حبيت اسالك .. اختك لها زوج ام او مرة اب يعني اقصد فيه احد دخيل بحياتها وفيه بينهم شحنات يعني كره او زي كذا ..
فراس باستغراب : ابدا يادكتور ليش فرح اشبها ؟
الدكتور فصخ النظاره : بصراحه ياخوي اختك الظاهر انها تعرضت لإعتداء أو محاوله في كذا .. انا ماقصد انه فيها شي لاسمح الله بس فيه اثار قويه على كتوفها ورقبتها واياديها ..
قاطعه فراس بصدمه : دكتور انتا ايش تقول مين حيعتدي عليها وهيا في وسط البيت ..
الدكتور بهدوء: اهدا ياخوي ممكن يكون محاولة ضرب او يمكن ..............
فراس : ممكن ايش ؟
الدكتور : محاولة اغتصاب .. لانه مبين انها حاولت تهرب واظن انها نجحت في كذا بس الاثار الي ظاهره في اعلى جسمها قويه وقاسيه ..
فراس مصدوم يكلم نفسه : معقوله يامشعل مستحييييييييل ..
طلع بسرعه من الغرفه بدون مايسمع للدكتور الي كان يحاول يهديه ..
شاف مشعل واقف يستنى بقلق قرب لعنده وسحبه من بلوزته بقوه : هادي اخرتها يامشعل انتاااااا انتا يامشعل ومين اختي فرررررح ليييييييييه والله طلعت منتا كفو الثقه حسبي الله ونعم الوكيل فيك ..
مشعل يبعد ايد فراس الي قابضه على بلوزته : انتا اشبك انتا ماتقلي ايت ثقه وايت زفت فراس تراك منتا صاحي .. دحين اختك تعبانه ومعاها صدمه مادري ايش داا وقتو ..
فراس تركه وطالع فيه بندم : للأسف يامشعل وربي كنت أكثر من اخو بس انا مابغه اسوي شي اندم عليه بعدين اذا كان الي سويته في اختي يرضيك وترضاه عليها فبتشوفه يوم بخواتك ماأقول غير حسبي الله ونعم الوكيل .. ودحين اذلف مابغه اشوف وجهك ساامع ..
مشعل مصدوم : فراس ايش فيك من جد شكلك انجنيت .. انا ايش مسوي ؟؟؟؟؟
فراس :هههههههه باقي تسأل انتا ماحافظت على شرف اخواتي الي شرفهم من شرفي يعني خنت كل مبدأ كان بيننا خنت كل شيييييييييي ماحترمت صلة القرابه والاخوه الي بيننا ؟؟؟؟؟؟ ليش اختي بالذات ((رفع صوته)) كان شفتلك أي بنت من الشارع سوي فيها الي تبغه ولا عشان فرح اعتبرتك اخوها وانا عمري ماتوقعت انك بتسوي كدا خليتكم تاخذوا راحتكم سوى ماكان فيه عيب بينكم زي الاخوان ماحطينالكم خط احمر من يوم وانتو صغار بس هادي النهاااايه الخياااانه ياولد ........... خالتي ..
مشعل يطالع في عيون فراس بقهر : فراس معقوله تشك فيا تشك في مشششششعل تشك في اخوك والله ماتوقعتها منك انا لو أخون نفسي مااخونكم ..
فراس : وهادا ايش تسميه هاااا تكلم قووول ؟؟
الدكتور طلع من الغرفه بعد ماسمع الزعيق : خلاص روقوا مايصير كذا انتو في مكان عام ..
فراس : انقلع برى لا اشوف وجهك طول ماأنا عايش ..
مشعل لسه مصدوم.. طلع من المستشفى ويحس نفسه يحلم معقوله فراس يشك فيه فراس اخووه وصديق عمره يتهمه بالخيانه ؟؟؟؟ ومع مين مع فرح الي كانت دايما اخته وبتظل للابد ؟؟؟؟؟

دخل فراس على فرح الي كانت نايمه بهدووء .. قرب لعندها ومسك يدينها ولاحظ الحـمار الي فيهم يد كبيره يد قاسيه كانت تسحبها ..
>> حسبي الله ونعم الوكيل فيك ياشيخ <<..

دق على اخته فجر ..
فجر : هلا فرووسي ..
فراس بجديه : فجر لموا اغراضكم وخليكم جاهزين بجي اخذكم ..
فجر باستغراب : ليه فين حنرووح ؟
فراس بعصبيه : محل مااوديكم بسررررعه سوي الي قلتلك عليه ..

قفل في وجهها .. وسابها مستغربه وحيرانه ايش الي بيصير ..

دخل مشعل للبيت والحزن والقهر مبين في عيونه ..
فجر ابتسمت بهدووء : هلا مشعل ..
مشعل طالع فيها بحزن ومارد .. جر رجله جر لفوق ..
فجر مستغربه هدولا ايش فيهم ؟؟

@@@@@@@@@@@@@@@@@@@@

في جــدهـٍ ..
..........: كلمتي ماتراجع عنها فاااهم ..
سامي : انتا مجنون ولا تستهبل الشركه بتخسر ..
فهد : ههههههههه وانا ايش عليا في امكم خسرتوا ولا في حريقه ..الاسبوع الجي ان شاء الله بناخذ حقنا من هنا كامل مكمل بس انتظر فراس يرجع ..
سامي جلس عالكرسي بقهر : وابويا ايش يقول ..؟
فهد ولع سيجارته وجلس عالكنبه ورفع رجله عالثانيه : ابووك ماله كلمه عندي انا واخويا رجال ونعرف ايش بنسوي ..
سامي وقف ..........
فهد : هههههههه الباب يمين ..
سامي طالع في فهد بكره وطلع من المتكب ..

اما فهد فكان يفكر في نفسه ... معقوله انا وفهد بعد كل هالسنين والايام الحلوه الي عشناها سوى يصير فينا كذا ؟؟ والله وطلتعوا على حقيقتكم ياعيال عمي ...

@@@@@@@@@@@@@@@@@

في المستشفى ..
..............: عندنا حاله بسيطه في غرفة 233 اغماء خفيف وشكله نتيجة صدمه او ضغط نفسي .. فلازم تروح تعاينلنا الحاله وبعدها عندك غرفة 444 ..
نواف : ابشر يادكتور يلا عن اذنك ..
راح نواف للغرفه المطلوبه ودق الباب ..
فراس جالس عالكنبه بقلق ويستنى فرح تقوم لازم يعرف منها كل شي ..
طقق طق طق << الباب ..
فراس : اتفضل ..
دخل نواف بهدوء : السلام عليكم ..
فراس : وعليكم السلام هلا دكتور ..
نواف >> قويه دكتور << : هلا فيك ياخوي .. جيت اعاين الحاله ..
فراس بملل : اتفضل ..
قرب نواف من فرح وبس شاف وجهها حس الدم نشف بعروقه .. حلووه بمعنى الكلمه وكأن الجمال ماإنخلق لغيرها .. ابتسم وحاول يطنش افكاره ..


سيـــــ يوو ــــــي ..^^