منتديات شمس الحب - الجمارك وطائره الدرون والداخلية

سلام عليكم
قصتي وقصة طياره الدرون والداخلية

من فتره طلبت
طياره درون
عجبتني طياره درون وحبيت اشتري وحدة من النت
وفكرت الوضع سهل زيها زي الجوالات ماعليها شي
وكنت بحسن نيه ابغا اشتريها علشان غرض ترفيه انبسط فيها واستانس
وتم وصولها لسعودية وجمارك السعودية رفضتها
وتم ارجاعها الى الصين وفكرت الموضوع انتهى
الجمارك صورت الدرون وتم رفعها للمباحث العامة بالمعلومات
بقسم الجمارك ،
المباحث رفعت خطاب لشرطة والشرطة استداعاء وامر القاء قبض وتعميم
من النيابة العامة ايقاف خدمات
هاذا كله صار وانا ماكنت اعرفة
ولا حد خبرني !! ولا جاني اتصال او رسالة
بعدها بكم شهر او اسابيع

..جاني اتصال استدعاء وحسبت واحد يطقطق علي ويستهبل وقفلت الخط بوجهه
جاني اتصال من رقم هاتف وبعده جاني اتصال من رقم جوال !!
وقلت اكيد واحد جالس يستهبل او يطقطق علي يحاول يمقلبني او مقلب
واتصل علي كم مره اقول له اللعب غيرها ماتبطلون من حركاتكم
افكره واحد من الشباب يستهبل

وبعد ب يوم جات على رسالة من وزارة الداخلية على جوال الوالد وصارت مشكله في المنزل
ومع العلم اني انا شخص بالغ كبير
وبعدها بكم يوم جاتني رساله استدعاء وايقاف خدمات علي وتعميمم
المهم رحت قسم الشرطة جابو صور الطياره الدرون مصورينها الجمارك وقالو ايش تبي فيها وايش غرضك
وتحقيق قلت لهم غرضي ترفيهي وتصوير طبيعه ووو
وبعدها
تم ايقافي في قسم الشرطة ? يومين وكانت ايام صعبه جداً بالتوقيف
صعبه جداً جداً الله يكرمكم الاكل سيئ و وريحة سيئة جداً جداً و حشرات وصرارصير وفيران وووو و? جدران وصرف الصحي الله يكرمكم طالع
وبعده اليوم الثاني كلبشوني وكلبشو ناس معاي قضايا مختلفه وتم احالتي لنيابة العامة في باص الشرطة وانا مكلبش
كل هاذا بسبب طياره درون !!!!
مربوط بسلاسل والله حسيت اني مجرم كبير
ودخلونا بغرفة حبس في النيابة العامة
ونادرنا بالاسامي واحد واحد كل واحد يخش يجلس ساعه الى ساعتين تحقيق
المهم نادرني ودخلت
المحقق جالس يحقق معاي ايش عرضك طالب طياره درون من برا ؟ ايش تبي فيها
قلت له ياخي انا كذا ابيها تسلية بس وترفيه وانا اسكن في الباحة وعندنا طبيعه وامطار واحب اصور الطبيعه
وعندي قناه باليوتيوب وانزل فديوات
وشوي فتح الملف جاب صوره المنتج
وصوره هويتي
ومعلوماتي كامله وصوره الدرون
وجابو صور المنتج الدرون طياره بدون طيار
وجايبين صوره من جمارك
وصارت قصه
وتم تحقيق من نيابة العامة وايش غرضك وماتعرف انها ممنوعه قلت ماعرفت
المهم بعد التحقيق والساعات والبهذلة
قلت لهم انا غرضي ترفيه وبس ومو غرضي شي ثاني
وعندي قناه باليوتيوب وجلست احاول اقنعهم
وبعدها من هنا من هناك
تم اطلاق سراحي بكفالة وشرطو موظف حكومي يكفلك !
قلت كيف موظف حكومي ؟ انا ماعرف احد موظف حكومي قال جيب
واحد يكفلك موظف حكومي ولا بتقعد بالحبس
وجبنا موظف حكومي جزاه الله الف خير كفلني
وغرموني ???? ريال
وتعهد وصارت قصة طويله
وكان غرضي اساساً اشتريها علشان عندي قناه باليوتيوب
ولو عرفت ان البهذله هاذي كلها بتصير كذا ماكان شريت
وحبيت انصح الاخوان والاخوات لاحد يشتري بخصوص الطيارات درون

كلامات ذات #درون #طياره#درون
شراء درون
https://i.imgur.com/8fruq7U.jpg
https://i.imgur.com/BcZUfXx.jpg
https://i.imgur.com/sMksTCN.jpg
https://i.imgur.com/jjAFyEQ.jpg
https://i.imgur.com/O5H6UsE.png

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png