بسم الله الرحمن الرحيم

السلام عليكم ورحمة الله وبركاته الله يتقبل منا ومنكم صالح الاعمال في هذا الشهر الفضيل

حاب اليوم اتكلم عن تجربتي الرائعة مع خدمة تابي اللي صراحة اشوفها مفيدة خصوصا كطالب مثلي معتمد عالمكافأة

ما ادري اذا احد تكلم عن تابي قبلي او لا المهم تابي يقدم خدمتين الاولى اشتري الحين وادفع بعد 14 يوم والخدمة الثانية هي تقسط المشتريات على 4 دفعات بدون رسوم

طبعا التقسيط يكون اول ما تشتري السلعة تدفع الدفعه الاولى والباقي خلال 3 اشهر

حد الشراء هو 2000 ريال ومثلا اذا انفقت من متجر ب 500 بيبقى من الحد 1500 يعني تاخذ اكثر من متجر عادي اهم شي ما يتعدى المجموع 2000

بخصوص اذا تأخرت عن دفع القسط انا تأخرت يوم بس واضافوا رسوم 15 ريال واذا تأخرت اسبوعين تصير 30 ريال
قرأت ان السحب تلقائي اذا كنت دافع بفيزا لكن بطاقة مدى لا, تجيك رساله بس

(المعلومات اللي يطلبونها هي رقم الهوية الوطنيه ورقم الجوال والايميل )

بخصوص المتاجر اللي تدعم تابي فهي موجودة بموقعهم هنا

وفيه نفس الخدمات هذي مقدمه من تمارا لكن الصراحة ما جربتها بس اللي اشوفه ان تمارا يدعمون متاجر مشهوره كثير مثل ساكو ونمشي

بكذا اكون انتهيت
وش رايكم بالخدمة واللي جربهم يكتب كيف تجربته باختصار