اذا ضاعت شحنتك مين تقاضي؟ تجربة شركة ws1
 

السلام عليكم ,,, مساكم الله بالخير ,,,


الموضوع باختصار نصيحة بعدم الاشتراك او الاستمرار مع هذا النوع من شركات الشحن


طبعا محدثكم عميل مميز بريميوم وطبيعي يكون في اهتمام ومن هالكلام ,,, في البداية توقعت انه السعر بيكون منخفض لتوصيل الشحنات.. وصحيح طلع السعر منخفض في البداية وفترة وفترة استمريت معهم وكل شوي تختلف قيمة الارسال مرة تزيد ومرة تنقص

المهم الفترة الاخيرة زادت فقلت مومشكلة مقابل الاهتمام والخمة المميزة بريميوم

الى ان ...تم فقدان شحنتي,, تواصلت معهم الدعم الفني,,, ومالكم في الطويلة انتظار اسبوع يجر اسبوع النتيجة= ماوصلت شحنتك لمستودعاتنا !!

طيب انا كعميل وش اسوي... انا متسوق عبر الانترنت وش الخطوات لضمان بضاعتي ماتضيع,,

وتفاهمت مع الدعم الفني اسمه (عبدالله) قلت له وهذا هو الحوار:

أنا: اشتريت بضاعة وتم ايصالها للمستودع
الدعم: لم تصل
أنا: عندي تأكيد انها وصلت
الدعم: وش اثباتك
أنا: رقم التتبع
الدعم: لايكفي
انا: رقم التتبع البريدالامريكي وتم ايضاح العنوان بايصالها
الدعم: لايكفي تواصل مع البائع
انا: البائع اثبت بأنها وصلت بالاضافة "باي بال" أكدت بأنها وصلت وحكمت ضدي بعدم التعويض لعدم وجود اثبات بعكس المثبت
الدعم: بضاعتك لم تصل كما هو واضح لنا والمستودعات المجاورة لأننا نحملها في طبليات وشحنات
أنا: طيب ..مايصير مثلا انها طاحت خارج الطبلية؟ مايصير انها زحلطن اثناء النقل؟
الدعم: ...
انا: عزيزي كل الادلة ضدكم وتقولي ماوصلت المشكلة من طرفكم موعندي
الدعم: ما الدليل؟
انا: رقم التتبع اللي اثبت وصولها لبريدي الخاص في منشأتكم
الدعم: لايكفي تواصل مع البائع ليثبت انه ارسلها للعنوان الصحيح
انا: طيب ,, الحين بضاعتي ضاعت مين يعوضني؟
الدعم: البائع !!!:5:

حسبنا الله ونعم الوكيل نرفزني كل مااتذكر المحادثة يدافع عن المؤسسة بشكل غريب وكل حجته لم يثبت ..لم تصل .. هذا اللي عندي,,

بعدها عرفت نقطة قوتهم فين .. مالهم فرع بالسعودية عشان اقدر اشكيهم ..عرفت انه الدعم الفني موجود بس في المدينة المنورة اللي من ضمنهم(عبدالله)

ودخلت على الهيأة للشكوى مالقيت أي تواجد لهم كشركة عشان تشتكيهم هنا عرفت اني غلطان باختياري لهم لأني صراحة فكرتهم جزء من او تحت مظلة فيدكس


فنصيحة حاول تبعد عن الشركات اللي ماتقدر تشكيهم لاني سالت واحد قال تشكيهم بأمريكا لكن حط محامي ,, لاني قبل فترة شكيت العثيم وعلى طووول حلوا المشكلة قوة ياوزارة التجارة

اخترت تغيير المنصة والله المعوض في اللي راح ,,, قبل ما انهي الموضوع سألت الدعم (عبدالله)
لو بضاعتي قيمتها فوق 10000 دولار وضاعت مين يشيلها؟ وش تتوقعون رد :
:d:d:d:d:d:d:d:d:d:d:d:d:d:d:d:d:d:d:d:d:d:d:d:d:d :d:d


هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png