تجربتي السيئة لمتجر سنايبر قيمر السعودي
 

السلام عليكم ورحمة الله وبركاتة


قبل بداية الموضوع احب انوه ان هذي تجربة شخصية فقط وليس تشهير
تمت كتابة التجربة لان الشراء كان من الموقع الالكتروني,

بداية الموضوع كنت ادور هاردسك عدد 2 HDD للتخزين

والان مع ارتفاع اسعار الشحن و الضريبة و الجمرك صارت بعض السلع ارخص و اريح
انك تشتريها هنا لكن المشكلة في بعض المحلات و المواقع الغير احترافية


التجربة

شريت عدد 2 هارد دسك WD blue 4tb من موقعهم الالكتروني وتم دفع
44 ريال زيادة على قيمة الطلب للشحن عن طريق ارامكس ( من الرياض للدمام )

وصلني الهارد دسك بعد تقريبا 4 - 5 ايام عمل والمفاجأة

https://i.ibb.co/1n3b5CJ/acf9e690-41...6398cb4d7a.jpg
https://i.ibb.co/92GQjFZ/f8bd6d92-ff...c725b5fdac.jpg

حبة وحدة وانا دافع لاثنين و الفاتورة المرفقة موضح انها 2 ,

تم التواصل معاهم و ردوا بعد يومين عمل ان تاكدوا من الشحن وبنرسل لك بديل,,
الى الان التجربة ممتازة و الغلط وارد و مبسوط.

وصل الثاني بتغليف سيء مقارنة بالاول و الهارد دسك كان برا فقاقيع الحماية
وهنا حسيت ان شركة الشحن او المتجر ماله خلق يوصلها,

اول ما استلمتها للاسف ما صورت لكن تواصلت معاهم ان التغليف كان سيء
والهارد كان طالع من فقاقيع الحماية وما ردوا علي


اول ما شبكت الثاني يطلع صوت مزعج ولا يتعرف عن طريق الكمبيوتر
وحاولت كل الطرق وبعد الكشف عليه طلع عطلان,,

تواصل معاهم اول مره قالوا تشحنه على حسابك لان حالة الارجاع الوحيدة اذا كان الوصف ما يطابق
المنتج في الموقع! تخيل يعني لو يرسلون لك شي خربان او مكسور مالهم علاقة فيه

ومن هنا بدأت التجربة تصبح سيئة و جلسوا يومين علشان يردون
اخر ردهم :حنا تغليفنا كله واحد وبنرسل لك الهارد دسك الخربان والهارد دسك طايح من مكان مرتفع
ومصرين على هل شي,

قلت لهم من اول ما استلمته قلت لك وانتوا ما رديتوا اخر شي مصرين قالوا بنرسل الهارد دسك
وانا رفضت وقلت لهم خلوه عندكم خربان وش اسوي فيه



الخلاصة
تم رفع بلاغ تجاري و ياليتني شفت تعليقات معروف لانها فعلا مفيدة وتم التقييم بسيء

وياليت الكل هنا بكل المواقع السعودية يقييم بمعروف لكي تصبح منصة شفافة للمواقع عندنا


هذي تجربتي الكاملة المفصلة والله الموفق

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png