منتديات شمس الحب - هل انا ملحوووووووووووووووووووووس ولا منحوووووووووسسس

السلام عليكم

أخوكم قدر الله عليه ودخل امانه اليوم قبل الاغلاق بـ 57 !!

طبعاً سبب الدخول سلمكم الله

هذا واحد من اصحابي كان كل يوم يجينا بالاستراحة وشقردي

تعرف على مضارب امانه وشلعه من الفقر الى الغنىء ..الرجال قهرني

مهوب حسد الله يرزقه بس شراء جيب لكزس ويبني قصر اللهم لا حسد..

الي قهرني انه سحب علينا ياخوياه ..وقلت له بالله بدخل معك عرفني على الهامور

كرشني وسكر السماعه في وجهي ..كل العيال اخوياه مقهورين منه وانا واحد منهم

صدق الفلوس تغير النفوسسسسسسس..!!!

المهم مالكم بالطويلة ..الاسهم هذي تعرف احد يدخلك عز الله بيشلعك فوق

ماتعرف احد وتقول تحليل فني وخرابيط ..صدقني بتكسب يوم يومين الفين خمسة عشرة الخ ..

بس يجي يوم يمردغونك الرياجيل مردغه وتلعن الليوم الي دخلت فيه السوق !!

وسلامتكم ..

وانا دخلت امانه لاني متأكد بيرتد يصرف لانه خلاص انتهى وشبع نزول ..

بس مراح ابات في السهم ريالين ثلاثه وعليه بالعافيه مضاربه :hawamer3112

ملاحظه القصة : حقيقية ..والله العظيم اني مقهور منه ..