أسوء تجربه لي مع محاوله ارجاع شحنه من موقع Noon
 

السلام عليكم ورحمة الله

حاب اشارك معاكم تجربتي السيئه والمشكله الي حاصله لي للان بدون حل.

اول شي اشتريت شاشه كمبيوتر من موقع نون والبائع اكسترا فهذا شي طيب على ماكنت اعتقد. طبعا مكتوب جمب المنتج قبل ما تشتريه "ارجاع بسهوله لكل منتجات هذا العرض". الشاشه وصلتني ولاكن سبتها زي ما هي ولا فتحت تغليف نون ولا الكرتون ولا شي. قررت ارجع الشاشه بعد يوم لاني غيرت رايي واستلمها المندوم مني زي ما وصلوها لي.

بعد تقريبا 4 ايام من الاستلام توصلني رساله انه تم رفض المنتجات وسيتم ارجاعها لك. دخلت الموقع وشفت انه سبب الرفض "المنتج ليس بحالته الاصليه" على طول اتصلت على رقم نون لخدمة العملاء وقلت لهم على المشكله, قالوا حنرفع شكوى ونشالله نتواصل معاك. كمان كلمت الشات في الموقع وقلت لهم اني رجعت منتج جديد ليش ترفضوه؟ّ! قالوا معليش احنا اسفين لما يرجع المنتج سوي طلب ارجاع ثاني.

وانتظر المنتج 4 ايام يرجع واكلمهم اقلهم بالمشكله واحتاج احد يعطيني سبب مقنع ليش ترفضوا المنتج, سوو لي طلب ثاني ارجاع. اكدت لهم اني ماابغى نفس الشي يصير, قالوا بنكتب ملاحظه على الشحنه عشان يركزوا عليها. ونفس الشي, يجي المندوب يستلم المنتج وبعدها بكم يوم يجني رساله رفض الارجاع وللان انتظر الشاشه ترجع لي.

ايش الحل معاهم؟ فكرت اول ما ترجع اخذ الفاتوره وروح فرع اكسترا وقلهم يرجعوها او اشتكي لوزاره التجاره؟ موقع نون سيٍء جدا ماحد يفيدك وما عندك غير الشات. والشكوى الي رفعتها اول واضح مسحوب عليها.

https://i.ibb.co/ZdJjkGx/refund.png

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png