منتديات شمس الحب - عملية نصب في موقع امازون السعودي ( من بائع امريكي )

السلام عليكم ورحمة الله وبركاته

اليوم بتكلم على عملية نصب من موقع امازون السعودي سارت معي شخصياً

طبعا طلبت قطعة elgato 4k60 pro mk.2 من الموقع سعرها 970 ريال من موقع امازون السعودي لكن البائع امريكي , دفعت المبلغ والامور كانت تمام

بعد كم يوم البائع ارسل لي رسالة كاتب فيها :

our vendor has this item but it is without retail box - you will just receive the cpu - let me know if that is okay!

اختصار كلامه ( القطعة راح تجيك بدون البوكس حقها الاصلي , رد علينا اذا الموضوع تمام بالنسبة لك )

رديت عليه : وش تقصد القطعة بدون البوكس الاصلي , هل هي مستعملة ؟ او غير جديدة ؟

رد علي :

hello - sorry please disregard this message - it was sent in error.

your package will update shortly - sorry for the delay!
اختصار كلامه ( بالغلط ارسلت لك الرسالة ماعليك ومعليش على التاخير )
طبعا يقصد تاخير لان طلبيتي لها 10 ايام في امريكا ما اتحركت من مكان البائع

المهم بعد 14 يوم وصلت الطلبية اتصل علي مندوب فيديكس قالي الطلبية وصلت لكن لازم تدفع ضريبة قيمتها 50 ريال , استغربت شلون ادفع ضريبة وانا دافع المبلغ كامل لامازون القطعة مع الضريبة والشحن

قلت ماهي مشكلة 50 ريال , لكن بعد ما فكيت الكرتون اتضح لي ان القطعة ابدا موب نفسها , راسل لي قطعة اسمها elgato 4k60 pro mk.1 وهي الاصدار القديم للقطعة اللي طلبتها واصلا ماعاد يصنعونها وحالة الكرتون قديم ومصقع من كل جهة

طبعاً ما فكيت الكرتون اول شي سويته اتصلت على امازون السعودي , قالو تواصل مع البائع خلال 48 ساعة اذا ما رد عليك تواصل معنا , والمفترض ما تدفع قيمة الضريبة وهذي المشكلة من البائع نفسه

والحين عدت 30 ساعة البائع ما رد

الصراحة انا مصدوم هل هذي شي معقول سار لاي شخص في امازون السعودي عملية النصب عيني عينك , وش الحل الان هل بعد 48 ساعة راح يرجعون حقي امازون ؟

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png