طلبت منتجات كثيرة كلها تقبل الدايركت
البائعين ارسلوا ما لديهم على فترات متفاوته
ثم وصلت لشركة علي اكسبرس
علي
اكسبرس قسمها لثلاث شحنات عبر ناقل
طبعا عنواني بالرياض
اول شحنة بعد ما طلعت بياناتها في ناقل انصدمت ان وجهتها جده ... رغم اني ما كتبت هالعنوان ... ورجعت اشيك على طلبي من البائع لقيت عنواني صحيح وبالرياض .. استغربت .. فطنشت .. قلت بنتظر الين توصل يمكن الخطأ من ناقل
وصلت شحنتين من الثلاث كلها للرياض واستمتها
اما الثالثة فعلا راحت جدة
اول يوم طلع بها المندوب ورجعها للمستودع بحجة العميل لم يرد
ثاني يوم طلع بها ورجعها لنفس السبب
ثالث يوم طلعت للتوصيل ورجعت بسبب ان العميل انتقل لعنوان جديد !!!
اليوم الرابع طلعت الشحنة للتوصيل واستلمها العميل اقصد العميلة واسم الموقع (اسم بنت) !!!!
وانا ما ادري وش السالفة
اكلم ناقل برقم الشحنة يقولون هات بياناتك اللي على الشحنة عشان نتأكد ونلحق نعدل .. وعطيتهم ... ثم ردوا لي ان معلوماتك غير مطابقة على رقم الشحنة !!! وانها ميب لك
فتحت نزاع في علي
اكسبرس وقلت ياهو ..
يا انكم عطيتوني رقم شحنة ماهي لي
او ارسلتوها لعنوان خطأ مو لي .... لأن الشحنة راحت لجدة حسب التتبع .. وايضا استلمها شخص آخر
ردوا بعد سويعات وقالوا الشحنة تم استلامها تأكد من الشركة او احد من اهلك يمكن هو استلمها ..
رديت قلت كيف هذا الكلام اقولكم انتوا ارسلتوها لعنوان في جدة وانا عنواني اللي على الطلب هو الرياض كيف يستلمها احد ثاني ..؟
مشكلتهم يشيكون على التتبع من موقع 17track وهالموقع ينسخ تفاصيل رحلة الشحنة من موقع ناقل .. وموقع ناقل الغبي ما يكتب بالتفاصيل هي بأي مدينة .. والمدينة ما تتضح الا عن طريق موقع ناقل فقط في خانة الوجهة وليس بتفاصيل التتبع
الحين انا ما ادري هل اشتكي شركة ناقل او مالهم دخل
والا علي
اكسبرس داجين وفعلا ارسلوها خطأ
الشيء اللي شاك فيه هو طلوع الشحنة للتوصيل عودتها للمستودع اكثر من مرة .. كأني اشوفهم يتصلون على العميل بأن لك شحنة .. وهو يقولهم ما انتظر لا شحنة ولا شيء .. توكلوا على الله والمندوب يرجعها .. ثالث يوم العميل الظاهر طفش منهم وقال يالله هاتوها
الشك الآخر انه صار بيني وبين نفس البائع مشكلة في بداية الشحن طلب مني الغي الطلب واحط السبب اني ما ابيها.. فرفضت وقلت له لا تطقطق علي ارسل الشحنة والا انت اللي كنسل الطلب مو انا وطفش مني واخر شيء ارسلها وعطاني تتبع علي
اكسبرس دايركت فما ادري هل هو لي او لا
وهل الشركة بتقبل ان البائع يعطي المشتري رقم شحنة ليست له؟
ما ادري اتوقع بالاخير بيقولون مالنا دخل تواصل مع شركة الشحن
المشكلة شركة الشحن تقول مهيب لك ما ادري من الصح او الغلط
وش رايكم؟
هذا الموضوع منقول من ::
موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او
أقسام الآيفون والآيباد والسيديا او
قسم الأندرويد وأجهزة سامسونج الذكية او
قسم الجيل الرابع للإتصال بالانترنت STC او
أقسام PlayStation والترفيه او
شاشات التلفزيون والمسرح المنزلي او
أخبار شركات الإتصالات او
الأخبار التقنية او
تستطيع المشاركة هنا والرد على الموضوع ومشاركة رأيك عبر حسابك في الفيس بوك