السلام عليكم ورحمة الله وبركاته ،
بداية حبيت أقولكم قصة للعضة والعبرة وكيفية التصرف في الحالات هذي.
صحيت الصباح 7:30 للدوام وبمجرد ماصحيت اتفاجئ برسالتين سحوبات (وحدة بمبلغ 2353.73 دولار مايعادل 9103 ريال وتم سحبها والعملية الثانية بـ 2699.99 دولار مرفوضة بسبب الحد الإئتماني) من أمريكا في الساعة 5:41 الفجر. من الفزعة فمي انقفل ودخلت التطبيق بسرعة وقفلت البطاقة من التطبيق الخاص ببنك ساب.
الفيزا الليمت تبعها 22 ألف ولله الحمد ماكان فيها الا 11 الف ولا كان انجلطت.
بعدها ، تواصلت مع البنك وبلغتهم ان صارت عمليتين عملية مقبولة ومرفوضة ، قالو مانقدر نسوي لك شي حالياً إلا أنه تصدر بطاقة جديدة بديلة برقم جديد وكل شي جديد وتنتظر لين ينتهي التعميد ويستحق المبلغ من الشركة او الموقع وبعدها ترفع مطالبة وبنشوف هل يرجعلك أو لا.
لما شفت الرد المخيب للأمال قلت ماني تاركهم بحالهم وقمت ادور على الموقع الي اشترى منه الي سرق بياناتي وابلغهم بالأيميل بكل شي صار وأني كنت ضحية عملية احتيالية. ولله الحمد ردو بعدها بكم ساعة قسم المبيعات وقالو ان الطلبات المرفوعة تم الغائها والمبلغ رجع بالحساب. وفعلياً لله الحمد رجع المبلغ بالحساب وزودوني بالفواتير الخاصة بالعمليات الي تمت على حسابي بالعناوين والاسماء كمرجع للبنك في حال الحاجة.
للأسف العناوين كلها في أيرلندا حتى الشحن ، والعناوين شبه وهمية ولكن عندي رقم جواله وايميله وبياناته وفي الطلبين المعلومات تختلف عن بعض.
عموماً وكنصيحة شخصية ، حاول قدر الإمكان انك تعلي احتمالاتك في ان مبلغك يرجع ، وخصوصاً انك تبلغ البنك ، وتبلغ الموقع اذا قدرت تطلعه بأن صارت عملية احتيالية على بطاقتك أو حسابك. أيضا احمي كل حساباتك في المواقع الي تشتري منها ، لأن بالغالب
الفيزا الخاصة فيك بتكون محفوظة فيها وحاول تفعل التحقيق الثنائي في كل شي ممكن. وإذا مو محتاج الشراء الاونلاين في بطاقات حساباتك الجارية مدى ألغيها عشان تسلم من هالموضوع أيضاً
وللمعلومية ، انا ما أشتري الا من مواقع موثوقة ومعروفة فقط ، وأسوي بحث دائما وأبدا قبل ما أشتري من موقع ماقد جربته او ما قد استخدمته أبدا ، وخياري الأول دائما باي بال حتى لو كان عليه رسوم. واشتري من عام 2012. ف مثل هالاشياء محتملة وجداً واردة اما اختراق لمعلوماتك في موقع او طريقة BIN الي يعتمدو عليها بحيث انه يستخرج أرقام عشوائية لين تطلع الصحيحة منها.
والله يحفظكم جميعاً ويبعد عنكم المشاكل وكل عام وأنتم بخير مقدماً :d
هذا الموضوع منقول من ::
موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او
أقسام الآيفون والآيباد والسيديا او
قسم الأندرويد وأجهزة سامسونج الذكية او
قسم الجيل الرابع للإتصال بالانترنت STC او
أقسام PlayStation والترفيه او
شاشات التلفزيون والمسرح المنزلي او
أخبار شركات الإتصالات او
الأخبار التقنية او
تستطيع المشاركة هنا والرد على الموضوع ومشاركة رأيك عبر حسابك في الفيس بوك