اليوم المغرب أتاني إتصال من توئم روحي وسولفنا ويابعض وخلال سوالفنا ذكرت من أخذ قلبي وكانت سالفه عاديه وأنتهى الأتصال

كنت وقتها أكمل أغراضي وأرتبها وبعدها بروح أخذ كتبي ودفتري وأحضر دروسي أستعد ليوم السبت

وهذا كان المفروض اللي أسويه لكن بعد الأتصال قعدت أفكر في f وضاق خاطري وزهقت آآآآآآآآآآآه الله يسامح من كان السبب

وجات على طول في بالي هذي الأنشوده



أجامل وابتسم واضحك وانا في داخلي مقهـور
احاول اكتم احزاني ورى صـدري وأخبيهـا
أحاول اكتم همومـي واخبيهـا وأنـا مجبـور
واحاول قد مـا أقـدر أبعـد عـن حراويهـا
لو اني كنت بنطقها مع انهـا واقفـة بالـزور... ولكـن لازم اكتمهـا ولا ابيـن معانيهـا
ولو بعض البشر تدري وتكشف خافي المستور... أببلش في شماتتها وابتعب مـن حكاويهـا
طبيعه ماتفارقهم طبيعة مـن قديـم عصـور... ورا حكي القفى تطرد وتنبش في خوافيهـا
واذا طاح الرجل مرة وصار من الزمن مكسور
... تجيله طعنه بظهره تفاجـأ مـادرى فيهـا
تفاجئ مادرى باللي بيصير ومن وراه يـدور
...وخابت هقوته فيهـم بعـد ماكـان هاقيهـا
لجل هذا كتمت الهم في صدري وانـا معـذور... همومي في وسط قلبـي أخبيهـا واخليهـا
واذا زاد الحزن فيني كني وحيد بعالم مهجـور... كأني بدنيتي وحدي وكل النـاس جافيهـا
واذا ودي أبوح بهم أبـد مـا اكتبـه بسطـور... همومي بس في نفسـي الحنهـا واغنيهـا
مصير الهم يترحل وأعيش بدنيتـي مسـرور
مصير الهـم ينسانـي ونفسـي مـا يعنيهـا
مصير القلب لو يظلم يجي يوم ويشوف النـور
...مصير النـاس تتبـدل وتتغيـر مماشيهـا
ولكـن بكتـم همومـي واخبيهـا وانامجبـور... وطبع الهم مايهنى بغير ظلـوع راعيهـا