منتديات شمس الحب - عرض مشاركة واحدة

فديت اللي بقلبي · منذ /03-15-2010, 02:22 AM

قررنا مايلي:

لقد تغيرت شروط التسجيل في المنتدى وتم تغيير مسمى

المنتدى لتواكب مرحلة ما بعد الحرب الباردة.

اعرفوا الشروط زين و افهموها .

واللي ما يبي هالشروط يعل اصابعه اللي طقت على الكيبورد الكسر .

ولو ما عليه كلافه يطق راسه باقرب طوفه .. احنا ما نلعب.

واللي يبينا حياه الله بيننا فهمتوا.؟ ((((5))))

بما ان هذا الموقع موقعي بروحي لا بارك الله فيكم وفي الساعة اللي فتحت لكم هالموقع فاللي

يبي يسجل معانا يوافق على الشروط من ورى خشمه والشروط هي:

1- اللي يسب اي واحد من الاعضاء بنجيه و بنربط حواجبه في صدامات الهايلكوس وبنروح ونطعس

فيه باقرب طعس قايلكم احنا ما نلعب.

2_اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....

و بحجز له على

اقرب رحله على طياره ترش الجراد و بصعد فيه على ارتفاع 50000 الف قدم و بحذفه على خوص

نخله...

علشان ما يعود لها. قايلكم احنا ما نلعب.

3- انتم اعضاء لكم تكتبون بس ولا احد فيكم يسوي لي فيه مراقب مانبي مراقبين فهمتوا ولا

افهمكم.

4- مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط...

فهمتوا صح ولا ماهو صح...قولوا صح لا بارك الله بالساعه اللي جمعت هالخشش فيها ... واللي

بيزعل من الذب

بنخربط وجهه ونخليه يطالع في المرايه ويطلع الاخطاء التسعه عشر .... ايه تسعتش ساحتنا و احنا

حرين فيها.

5- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ وبنكويه..

وبعدين بناخذه لأقرب جليب وبنغطسه وبنطلعه ونغطسه ونطلعه لين مايقول اشهد ان الددسن

سياره قايلكم ما نلعب.

6- قريتوا الشروط.

هاه عجبتكم فهمتوها...

طيب ما عندنا تسجيل هالايام .

واللي يبي يسجل معانا يرسل لي ايميل على التلفون مـآلي اللي ماني ذاكره لكم لان الدعوه

عناد واللي براسه

حب ما انطحن تراي ابطحنه له واذا فيه خير يقابلني وين ما يبي.

ملاحظه: اللي بنكتشف انه رجال مشورب ويكتب باسماء بنات .. ولا بنات تكتب باسماء رجاليه

هذولي بنخلي خششهم

كلمات متقاطعه يصعب حلها.. والله ما يضرب بعصا يا سرع طيحتهم.

موافق

غير موافق

واللي فيه خير يكتب غير موافق

لا اوصيكم موافق وانتو مغمضين

ان شاء الله تعجبكم الشروط..

الموضوع الأصلي: واحد عصبي فاتحله منتدى لايفوتكم || الكاتب: فديت اللي بقلبي || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: نكت - فرفشة - ألغاز

,hp] uwfd thjpgi lkj]n ghdt,j;l lkj]n uwfd thjpgi