البارت الثامن والعشرون
......................................
في بيروت
دفعها بقوه لداخل الجناح
ناصر بغضب:ادخلي ياقليلة الحيا
وضحه بصدمه:انا قليلة الحيا ياناصر
ناصر وهو يوقفها بعضدها:ايه قليلة حيا على ذا الحكي انا بشبح في مره مهيب محرم لي
وضحه وقد بانت تعابير الالم في وجهها:ايه تشبح فيها ولااستحيت حتى من رجالها
ناصر بغضب مضاعف وصدمه من هراء تلك المجنونه:بس بس الله يمحق عليش انتي ان حكيتي اكثر من كذا حرمتي علي
ثم تركها بعنف واتجه للباب ليخرج
وضحه وهي تمسح على عضدها فهتفت بغضب وهي تراه يخرج:وين بتروح
ناصر وهو يخرج:مالش شغل
اغلق الباب خلفه بقوه
اما هي جلست على الكنبه وهي ترمي بغطاءها على الارض بعصبيه وتبدأ في بكاء شديد
ذهب للوبي ليريح اعصابه فهي اودت بها في وديان الغضب والشده
عاد يترجم كلماتها بعقله
فأخذ يفكر قائلاً في نفسه:يعني رزقها ربي بزر اجل بيعودون العرب على حكيهم بس استاهل ماكان خذيتهن وانا داري باللي فيني لكن وش اسوي بالصديع اللي عندي لو اني اعرست ماكان وافقت تعود
ثم عاد للابتسام حين تخيل طفلاً له مثل ملامحها فعلاً سيجن ليحمله وهو يرى عينيها فيه
لكنه عقد حاجبيه دلالة الضيق مما هتفت به تلك الغاضبه المغروره النرجسيه لحبه
..............................................
في الدوحه
كانن مستمرات بعمليه البحث
عليا وهي تجلس على احد المقاعد:خلاص خلونا نريح شوي ونكمل
ام نهار وهي تمسك بحصه:خلاص انتن اقعدن مع ام لطام وانا بروح مع حصه نشتري اغراض خاصه وناتي
نوره بخبث:انا بروح معكم
ام نهار بغضب:تروحين وجع يدق نحرش يااللي ماتستحين
نوره وتضحك بصوت منخفض:يمه حرام عليش والله اني اضحك
ام نهار وتسحب حصه معها ويبتعدون:لاتروحن لاي مكن لحالكن
ثمينه التي تجلس بجانب عليا:ياخي والله التجهيز متعب اذا حنا بنقعد كذا شهر كامل
عليا وهي تنظر لها بطرف عينها:لا انتي المره الجايه تعبش مضاعف
ثمينه وهي (تقرصها) بأطراف اصابعها:البخي
عليا وهي تنظر لها بعينين غاضبتين من فتحات نقابها:ياسلقه قطعتي قلبي على ذا القبصه
ام لطام بتعي:امشن نروح السياره نقعد عند امي ابرك من مقعادنا كذا قدام العرب
توجهن الاربع للبوابه لكن الذي لم يخطر على الباب ان نهار وفلاح كانوا امامهم بالصدفه
عليا وهي تلكز ثمينه التي تتحدث مع نوره
ثمينه بصوت منخفض غاضب:نعم
عليا وهي تبتسم بخبث:حبيب القلب قدامش
شهقت ثمينه بعنف فعليا بعثرت جنود قلبها دون علمها
نوره وهي تنظر لشقيقيها الذان يسلمان على ام لطام فتقدمت لهم
نهار وهو ينظر لها:هلا النوري اجل امي وينها
نوره وهي تمسك بيده وتجيب وهي تنظر لفلاح:امي مشغوله شوي
نظر لها فلاح بعدم استيعاب
غمزت له ففهمها بسرعه
ام لطام:يالله يامكم حنا بنروح للسياره امي هناك
نهار:ماتشوفون شر يمه
التفتت ام لطام لنوره لتقول بعدم مبالاه:يالله صوتي لعليا وثمينه
ارتفع نظره بسرعه للفتاتين المبتعدتان قليلاً
لتلتقي عينيه بعينيها التي اغضت بنظرها حين رأت عينيه
انزل بصره بعجل وهو يرى من معها تلكزها بقوه الى درجة انها اوشكت ان تفقد توازنها
ثم تمتم بلاوعي وهو يشعر بها تمر هي ومن معها بقربه لكي تخرج اغمض عينيه بهيام غير آبه لمن حوله فهمس:
شفتش وزاد بي الولع والشوق
غنيتها من ساعة اقبلتي
عيني ماقد شافت كذا مخلوق
كنش على ذوقي تشكلتي
فلاح وهو ينظر له بخبث:يابوسلطان تراهم مشو
نظر له نهار بنظره هاديه متعبه:امش امش خلصني
تقدموا احدهم قد سلب والاخر متحمس ليرى شريكته الغبيه والساذجه في نظره
وقف نهار فجأه ليقول بخبث:فلاح امش خلنا نظهر
فلاح بصدمه:لالا انا اغراضي ابيها من هنيا
نهار وهو يدفعه:اخلص علي انت داري ان المره هنيا
فلاح بيأس:نهار تعوذ من الشيطان
نهار وهو يدفعه وفلاح يترجاه:ياخي لاتصير نشبه كذا
لم يجبه نهار سوى بصمت حتى ادخله السياره
.................................................
في لندن
دخل عليها وهي تعمل باخلاص
ابوضيدان بهدوء:السلام عليكم
ام شاهه وهي لم تنظر له:وعليكم السلام
ابوضيدان بحزم:ترا طيارتنا عقب بكره
ام شاهه بهدوء:خير ان شاء الله
ضيدان وهو يقف بجانب ام شاهه وهو ينظر لها بعينين خجلتين:ماما
ام شاهه وهي تمثل الزعل:انا مااكلمك
ضيدان برجاء:لا لا لا ماما انا آثف
ام شاهه وهي تنظر له بتحذير:اخر مره
ضيدان وهو يومئ بقوه:ايه اخر مره
كان ينظر لها بنظره لم تفهمها حين نظرت له فهي نظرة احتقار ام كره ام استجداء ام ......... لم تفهمها
دخلت شاهه بعجل وهي لم تنتبه لوالدها الجالس
شاهه وهي تبتسم بحماس وفرح:يمه ترا انا ولطام بننزل عقب الغدا نتمشى وبنــــــــ
اشارت لها والدتها بعينيها على والدتها وهي تبتسم تريدها ان تصمت لكي لاتسبب لها الخجل
التفتت شاهه للمكان الذي تشير عليه والدتها لتصعق بوجود والدها
شاهه وهي تخفض نظرها وقد اشتعل خجلاً فتهمس:انا استأذن
وخرجت يخطوات مسرعه لغرفتها

ابوضيدان وقد دوت ضحكته في المطبخ:هههههههههههههههههههههههههه
ثم نظر لوضحه بخبث:اثرها خفيفه ماغدت لامها
ثم خرج ليجلس في الصاله
ضحكت ان شاهه بصوت منخفض لتهمس:امها عندها جنه ياناصر اثرك ماتعرف لبنتك
اما شاهه دخلت واغلقت الباب خلفها وهي تهف على وجهها الحار
خرج هو من غرفة التبديل وهو يمسك بقميص ببجامته الت ابدلها لينام براحه
نظر لها باستغراب:شفيش؟
شاهه بخجل اكبر:فيني انك ماتستحي روح البس
نظر لها وهو يبتسم ويقترب منها الى ان اصبح لايفصله عنها سوى خطوه واحده
همس برقه وهو يضع انفه على انفها:تدرين انش احلى لااستحيتي
شاهه وهي تبعد وجهها عنه بتوتر فليس هذا ماتريده يجب ان تسيطر على الوضع همست بنفس النبره:لطام ابعد
لطام وهو ينظر لها بوله وعشق:وان ماابعدت
شاهه وهي تتدارك نفسها
وضعت يديها على صدره بدلع اضعه كما تضيع قطرات العطر في الهواء:لطام بروح اعاون امي
ابتعد عنها وهو يتذكر كلام الدكتور قال لها بحزم:من اليوم ورايح مابي اشوف ذا الحركات
نظرت له وهي تبتسم فالوضع على ماتريد واكثر:ان شاء الله
ثم فتحت الباب لتذهب لوالدتها
لطام وهو يقذف نفسه على السرير:ترا امش وابيش بيسافرون عقب بكره
تصنمت :لا لا لا كيف يتركوني معه لوحدنا فأنا غير قادره على مواجهته
تركته وذهبت لامها بهدوء
كان ينظر للسقف ويبتسم وهو يترائى له وجهها قبل دقائق
فكيف كان خذها كمرآه تتلامع
وكيف كان عنقها كساق وردة رقيقه
وكيف كانت اهدبها كأنها صف جنود الحرب
وكيف كانت شفاهها المرتعشه كطفل مصا بحمى
وكيف كان انفها عالياً كالجبل الشامخ
اغمض عينيه وهو يريد آخر صوره يراها قبل ينام هي صورة وجهها الجميل
.
.
.
.
.
.
دخلت على والدتها
همست بحزن:يمه
ام شاهه وهي تنظر لها باستغراب:لبيه
شاهه بألم وهي تنظر لوالدتها:صدق بتمشون عقب بكره
ام شاهه بابتسامه:وشفيش ضايقه كذا
شاهه وهي ترفع كتفيها بعدم علم:لانكم بتروحون وانا ماشبعت منكم
ام شاهه وهي تنزع برقعها لتعدل غطاء شعرها:عندش اللي بيلهيش
شاهه وهي تضم امها من الخلف:يمه تكفين كلمي ابي اقعدو بعد شوي
ام شاهه وهي تلتفت لها وتضمها:يامش انتو مانتو بمبطين كلها اسبوع وتلحقونا
شاهه وهي تخبئ وجهها في صدر والدتها:بس ولو انا ودي انش عندي
ام شاهه وهي تضربها بخفه على كتفها:ياكذبش انتي ودش بذا عينه تسبرش من يوم يشوفش
شاهه باستغراب وتساؤل:صدق يمه
ام شاهه بصدق:اي والله يامش وان كانش ماشفتيه فتراش عميا
ابتسمت بفرح فأن ذلك حقيقه فالحال لن يطول يعني انها ستنهي الخطه بوقت اقصر فهي بدأت تشعر بشعور مزعج وكريه حين تراه
ابعدتها والدتها:يالله روحي جهزي المواعين خليني اجهز الغدا
ذهبت بفرح سيطر على روحها لتجهز ماأمرت به والدتها
.
.
.
.
.
.
.
بعد مرور نصف ساعه كانت تدخل غرفتها لتجده يتمدد على السرير بهدوء
وقفت وهي تنظر له :كيف تلك الملامح تحمل كره وحقد فهو يبدو قمة الهدوء والنقاء لكن مافعلته يديه سيجنيه على يدي
رتبت شعرها ثم اقتربت اكثر من السرير لتهمس بصوت مبحوح:لطام يالطام
لطام وهو لايزال بين صحوه واغفاءه:همممم
شاهه وهي تضع يدها على عضده:يالله قوم الغدا
فتح عينيه بشكل مفاجئ وسريع ثم اخذ ينظر لها وهي تقف بسرعه لتقول:بسم الله عليك شفيك اختلعت واخلعتني
لطام وهو يجلس يدعك جهه بكسل:مافيني شي
ثم وقف واتجه للحمام:خلاص روحي وانا بجيكم(ثم دخل الحمام ليغسل وجهه)
لم تذهب بل وقفت تنتظره
خرج ليجدها تقف امامه
همس بصوت اجش وهو يرفع حاجبه وعلى فمه ابتسامه:شعندش والقفه
شاهه بدلع خبيث وابتسامه:اتناك عشان نروح مع بعض
ثم اقتربت وامسكت بكفه وهي تمثل البراءه والحماس:ترا انت وعدتني تطلعني اليوم تمشيني
لم يجيبها سوى انه قبل جبينها بدفء اغمضت هي عينيها براحه رغماً عنها
ابتعد وهو يقول:يالله امشي انا ذابحني الجوع
ثم خرج معها وهو يمسك بيدها
.................................................. ....
ام نهار بغضب لتلك العنيده:حصه لا تحرقين كبدي اخلصي علي
حصه بخجل:يمه تكفين الا هذا لا
ام نهار بحيره غاضبه:وحنا خذينا شي عشان تقولين لي ال هذا كل ماطلعت شي قلتي لا
حصه وهي تشيح بوجهها بخجل:يمه انتي كل اللي تطلعينهم يفضحون اكثر منهم يسترون
ام نهار وهي تنظر لها بعدم رضا:انا الشرهه علي اللي امشي على شورش
ثم تركتها لتذهب للبائعه لتعيد كل ماتركته وتحاسب عليه تحت عدم رضا حصه الخجله
كانن يمشين في الممرات التي تؤدي للبوابه الخارجيه فقد اتصلن بام نهار التي قالت انهم في السياره
حصه:يمه صيته ترا ماراح البس ذا اللبس
ام نهار بابتسامه من تحت برقعها وثقه:الا ان شاء الله بتلبسينهم
حصه بزعل:اصلاً حتى امي ماراح ترضى
ام نهار:عاد امش بالذات هي اللي بتغصبش
نظرت لها بصدمه:لا يمكن امي مارح ترضا
ام نهار التي وقفت فجأه
ام نهار بصوت خافت:هي وبلى هي وشلون انساها
حصه وهي تمسك بكتف عمتها:يمه شتقولين
ام نهار وهي تسحبها فجأه وتسررع بخطواتها:امشي بسرعه خلينا نروح السياره
حصه وهي تنظر لها باستغراب:يمه شفـــــ .........
صمتت وهي ترى المرأه العجوز التي وقفت امامهم بطولها الفارع الذي كان بطولها هي وعمتها لكنها تحمل في عينيها التي يخبأها البرقع نظرة حزن وانكسار ومعها ثلاث شابات بمثل طولها
المرأه بهدوء:سلام عليكم
ام نهار بغضب:خير وش تبين فارقي من وجهي
المرأه بحزن ملأ صوتها:مابي شي بس ابي اسلم عليش يابنت عمي
احدىالشابات الغاضبات:يمه تعالي خليها تولي
حصه بغضب:ماينرد عليكن والله لولا ان حنا في سوق والله لارويش من اللي يولي
ام نهار وهي تضغط على يد حصه:امشي لانفتضح في امة لااله الا الله
ثم تركن المرأه ومن معها ليذهبن للبوابه تحت استغراب حصه وغضب ام نهار
حين ركبن السياره قالت حصه بحيره:يمه من ذااللي ماتستحي هي واللي معها
ام نهار بهدوء غريب:يمه تدرين من واجهت
ام سعد التي تجلس بجانبها:من ياصيته
ام نهار التي القت قنبله اصمتت ام سعد وام لطام بصاعقه:ام محمد آل دبيس
عليا بحيره:مهوب اللي تخانقوا مع العوال
اومأت ام نهار بالموافقه
صمت الجميع طول الطريق
...........................................
في لندن كانت تخرج من غرفتها وهي ترتدي غطاءها
ام شاهه:ها قدكم بتمشون
شاهه وهي ترتدي برقعها:ايه تامرين بشي يمه
ام شاهه وهي تضم الصغير الذي يشاهد التلفاز باندماج:سلامتش
خرج هو ليسلب عقلها بمظهره الانيق ليقول:مشينا
شاهه بابتسامه اخفتها عن اعينهم:يالله
لطام وهو ينظر لام شاهه باستهزاء:تامرين شي ياعمه
ام شاهه بكره:لا
امسك بكفها وهو يرسل رسالة اغاضه لام شاهه بمعنى انظري فقد ملكتها رغم ارادتكي
خرجا سويالمنه جهل نظرت الحقد في عينيها حين رأت مارأت قبل قليل
بعد مرور الوقت كانت تقف بجانبه على ضفاف احدى البحيرات
لطام بهدوء:ليه كرهتيني عقب اللي صار
شاهه بهدوء اكثر منه:لأنك صدمتني بكرهك لامي اللي انا كنت انوت فيها وفي ظني انك راح تلبيلي امنيتي اللي طلبتها منك
لطام بضحكة اسنهزاء:شلون البيها وان اللي ابعدتش منها
شاهه وقد نفرت دمعتها من تحت برقعها لكنها لم تزعزع صوتها الثابت الهادئ:هذا اللي نفرني منك
لطام بحيره:مافهمت
شاهه ولازالت عينيها على البحيره بمثل نظرته:انصدمت انك تكره امي وانت اللي حرمتني منها
لطام بتبرير:انا كنت خايف عليش انتي وخواتش
نظرت له بنظرة غريبه لم يرها من قبل:اللي صار صار وحكي في الفايت نقصان في العقل
نظر هو لها بنظرة عشق لا مثيل له لتوها هي تفهمه:والحين
شاهه وهي تعيد نظرها للبحيره:الحين انت ادرى
لطام وهويبتسم بفرح خفي عن ناظريها:احمدي ربش ان حنا برا البيت
نظرت له باستغراب وفرح فلأول مره يقول كلمه جريئه مثل هذي
لم ينظر لها بل امسك بكفها وابتعدا عن البحيره لأحد المقاهي
..............................................
في الشقه كانت تشاهد التلفاز مع الصغير لكن عقلها مع صغيراتها
كانت تفكر بحصه الصغيره جداً على الزواج
اقبل عليها بهدوء ليجلس بجانبها فيغمرها عطره المختلط بدهن العود
نظرت له ثم عادت بنظرها للتلفاز
ابوضيدان باستهزاء:استخبلتي تشبحين في الرسوم كنش بزر
ام شاهه وهي تنزع برقعها:شتسوي بي خرفت
نظر لها بصمت حين رأى ذلك الجمال الذي تركه شقي صغير واليوم ناضج ومبهر
اكملت وهي ترى نظراته:تراني ابي السوق
ابوضيدان وهو يبعد نظراته:يالله قومي البسي
نهضت لتلبس هي والصغير
وبعد ربع ساعه كانت تقف امامه وهو يرتدب البالطو الاسود
ابوضيدان وهو ينظر لها بغطاءها:اليوم حنا وراء فرجه للعالم على برقعش وعباتش
ام شاهه بستهزاء:تبيني افصخها
ابوضيدان بحزم غاضب:اذبحش
ثم اردف:يالله امشو
ثم خرجو متوجهين للسوق
...............................................
في بيروت
لتوه يدخل الجناح
اغلق الباب والتفت ليراها تجلس ببجماتها الحمراء وهي غاضبه
ابتسم بستهزاء فهو يعلم انها حين تغضب تعشق اللون الاحمر وكأنه يعب عن غضبها
ناصر بهدوء:السلام عليكم
وضحه وهي تتقدم منه بغضب:وين كنت
ناصر ببرود:مالش شغل اروح وين مابغيت وترا بكره معوادنا
صعقت
لكنها صرخت فيه بقهر:لا ماحنا بمعودين
ناصر وهو يقف امامها بعصبيه:اني ولد ابي بتمشيني على رايش
وضحه وهي تبكي لتهتف بعصبيه:انا ماصدقت ان حنا نقعد لحالنا تقولي بنعود
ناصر بأمر حازم:زين اسكتي
وضحه بعصبيه:مابي
ناصر بعصبيه:انا اقولش اسكتي
وضحه بخوف وهي تمسح دموعها بقوه:انزين خلاص
ناصر وهو يتوجه للغرفه:اجهزي وجهزي اغراضي
ثم تركها وهو يدخل غرفته لتضرب رجلها بالارض بغضب
تبعته للغرفه لتجده يخلع قميصه ليدخل الحمام ويستحم
ناصر وهو لاينظر لها:ترا بكره قبل رحلتنا بنروح للدكتور
اقتربت له بسرعه بخوف:اسم عليك فيك شي
ناصر وهو يبعدها:لا انتي اللي بتروحين
وضحه باستغراب:بس انا مافيني شي
ناصر:ادري بس راح تروحين
ثم دخل ليتركها بحيرتها