تذكرتك وانا الطير الجريح مفارق الخلان
ونار البعد وفراقك تعل اقصى شراييني
انا ادريبك سراب ماتطفي لهفة الضمياااان
تذكرتك عذاب ولو نسيتك منت ناسيني
ابعرف في غيابك ليه شوفي يمتلي دخان؟
واحسب اني لحالي واقرب اصحابي حواليني
حبيبي رحت عني وانت راضي ولا زعلاااان
ياليتك قلتلي قبل الفراق انك مخليني
بعد فرقاك عشت الجرح عمر العاشق الشفقان
على باب العمر لامر لك طاري يبكيني
تخفي لوعتك عني تصد وتبدي النسيان
وتفضح نظرتك خافي حنيني لو تراعيني
حبيبي تعبت عيون السهر من عاشقـ"ن سهران
تعبت وطال بعدك والعمر ماعاد يمديني
غرب ضيئ الامل قبل الشروق وسادت الاحزان
دروب العمر تسرق فرحتي والحزن يطويني
انا مثل الغريق وطاري الذكرى كما الطوفان
تزيد الجرح في قلبي وتبعدني وتدنيني
تعبت ومركبي مل السفر وضاقت به الشطآن
ولالي غير حبك ساحلـ"ن يمكن يرسيني
حصدت الدمع محصول الفراق ولوعة الهجرااان
الا مني ذكرتك غرق كفوفي مطر عيني
ينابيعك تفجر من عيوني كنها بركان
توطي عزتي تختال من جفني لكفيني
بعد ماغرق عمري في الحزن ضاقت بي البلدان
وشفت الموت في كل الدروب وقلت انا ويني؟؟
انا مليت مليت العذاب وقلبي المليان
بهمـ"ن صاب من هجر الحبايب مقتل سنيني
يأست من الفرح في موسم فيه الأمل كذاااب
رفعت الرايه البيضاء لحزني وارتمى فيني
وعرفت اني بعد فات الأوان العاشق الخسران
ودريت ان اصدق وعود الهوى ماعاد ترويني
رجعت بحسرتي كلي جروح مكسر الجنحان
وســـال الجرح دم وشفت وجهك في شراييني
تستطيع المشاركة هنا والرد على الموضوع ومشاركة رأيك عبر حسابك في الفيس بوك