كانت نايمه بعد يوم طويل من التعب والإرهاق وقلة الأكل
صحتها أو فزعتها سفاجه وكبت عليهامويه بااااااارده وهي تسحبها من شعرها بدون رحمه أو رأفه
رمتها ع الأرض من السرير:قومــــي جعلك للموت إن شاءالله وافتك منك
ماقدرت لميس تشيل رجولها من التعب والإرهاق والألم مو مستوعبه اللي صار وجسمها تحسه متكسر وأصفر
سحبتها للحمام ماقدرت تفتح فمها تحس بالموت قدامها
صرخت فيها سفاجه:قومــــــــي ياعلـــــه قومي إكنسي ونظفي الحوش ياللـــــه
انفجعت لميس "الساعه 12الظهروتبيني أكنس الحوش في الشمس والحر وأنا تعبانه وماأكلت شئ وجسمي مكسر هذي ماتحس "
سفاجه:يالله تحركي وانزلي وإلا قسم بالله لأحرقك
خافت لميس وقامت بسرعه متجاهله ألمها تذكرت لما رمت عليها الكبريت بس الحمد لله إنها فسخت بنطلون بجامتهابسرعه وإلا كان إحترقت
غسلت بسرعه وصلت الظهر وطلعت في الحوش وسكرت علي سفاجه الباب كان الحوش كله شمس وحرارة الشمس تحرقها وراسها بحسه يدور ماقدرت تشوف قدامه تحس السواد طغى قدامها وطاحت ع الأرض
مرت ساعه وطلعت سفاجه تشوف لميس خلصت وإلا لا
ولقتها طايحه ع الأرض شهقت وجت هدى تركض ولماشافت لميس انصدمت وخافت تكون ماتت
هدى بخوف:يممه خلينا ناخذها للمستشفى أخاف تموت وتصير برقبتك والشرطه مارح تسكت
شالوها وأخذوها للمستشفى


في المستشفــــــى:
هدى جالسه في الممر وخايفه دق جوالها وشافت المتصل لقتها رنا:هلا رنا
رنا:أهلين كيفك
هدى:بخير
رنا:وشفيه صوتك موعاجبني،،،،،بعدين إيش هالإزعاج إنتي وين
هدى:في المستشفى
رنا:ليش سلامات
هدى:لميس طاحت علينا وأخذناها للمستشفى
رنا بشماته:وانتي ليش متضايقه أحسن ياعلها الموت
هدى أستغربت كره رنا للميس:رنا إنتي ليش تكرهين لميس
رنا:كذا ماحبيتها
هدى:أنا لازم أسكر الحين باي
سكرت رنا ودخلت عليها ريم:هــــــا ا ا ا اي
رنا ابتسمت بفرح:هايااااات

ريم:أف وش عندك مبسوطه وشاقه الحلق
رنا حطت رجل ع رجل:مافي شئ بس هدى تقول إن لميس في المستشفى
ريم شهقت:إيش،،،،،،وهذا يفرح
رنا بغرور:أيوه
ريم خافت ع لميس:أي مستشفى
رنا رفعت حواجبها:ليش ،،،إن شاءالله تبين تروحين لها
ريم بعصبيه:ماا ا ا الك دخل وقولي أي مستشفى
رنا:مستشفى ال......
ريم طلعت بسرعه لأمها:يمه بطلع اللحين
أم رعد:ع وين
ريم:بروح للمستشفى
أم رعد:ليش فيك شئ
ريم:لا..إنتي ماعرفتي
أم رعد:في إيش
ريم:هدى وأمها في المستشفى لأن لميس تعبانه
أم رعد:ميين قالك
ريم:رنا