أم رعد بحمق:وإنتي إيش دخلك في لميس من وين تعرفينها
ريم إستغربت من عصبيتها:يمه وش فيك ليش تكرهون البنت رنا فرحانه وانتي ماتبغيني أروح لها
ام رعد توترت:تروحي لها ع أساس إيش
ريم مقهوره من رفض أمها:أحب البنت ومرتاحه لها
أم رعد:وأنتي من متى شفتيهاوتعرفينها علشان تحبينها
ريم:شفتها لماكانت عندنا وتعرفت عليها
أم رعد عصبت :لا مارح تروحين
وروحي ع غرفتك
انقهرت ريم وطلعت من الغرفه وقابلت أبوها عند باب الجناح
أبو رعد إستغرب لما شاف الحزن في وجه ريم مسكها قبل تطلع:ريم حبيبتي وش فيك
ريم بزعل:يبه أمي رافضه أزور وحده أعرفها في المستشفى
أبو رعد بهدوء:ليش ياقلبي
ريم:ماأدري عنها
أبو رعد:ومين البنت
ريم :لميس
أبورعد خفق قلبه:لميس بنت زوج صاحبة أمك
ريم:أيوه أم هدى
أبو رعد بخوف:وش فيها
ريم استغربت نبرة الخوف في صوت ابوها:ما أدري بس تقول هدى إنها دخلت للمستشفى اليوم
أبو رعد :طيب روحي ألبسي عبايتك أنا بوصلك أنتظرك تحت في السياره
راحت ريم تركض ولبست عبايتها وطلعت مع أبوها للمستشفى
في المستشفـــــــــى
طلع الدكتور من الغرفه وراحت له سفاجه
سفاجه بخوف:كيفها
الدكتور ووجه متغير:إنتي والدتها
سفاجه:لا خالتها زوجة أبوها أمها وأبوها متوفين،خير فيها شئ
الدكتور:بفضلي معاي للمكتب
راحت معه وهي ميته خوف
جلس الدكتور خلف المكتب وجلست سفاجه ع كرسي
الدكتور:أنا آسف لكن لميس دخلت في غيبوبه لأنها قضت وقت طويل في حرارة الشمس ماتحمله جسمها الضعيف وأثرت في راسها
سفاجه انصدمت"غيبوبه"
الدكتور:ولميس عندها فقر دم وارهاق
سفاجه:طيب الغيبوبه ممكن تطول
الدكتور:والله ممكن ماتطول
لكن(مسك قلم في إيده وهو يطالعها بتفحص)وواضح من خلال الكشف وجود آثار وكدمات في جسمها نتيجة تعرضها لإعتداء وحشي بالضرب
انصدمت سفاجه وحست بالرعب وإرتبكت ولاحظ عليها الدكتور خوفها
الدكتور:أنا مضطر أبلغ الشرطه
سفاجه إرتعبت:إ إيش ،،،الشررطه
وصلت ريم وأبوها للمستشفى
عند الريسبشن
أبو رعد:لو سمحت أخوي ابسألك عن حاله دخلت اليوم
لميس علي محمد ال......
الموظف عيونه ع شاشة الكومبيوتر:والله ماوصلت حاله بالإسم هذا
أبورعد والشك بدى يساوره:هي وصلت الساعه وحده الظهر
باسم لميس